အမှတ်တရ မိုး

မိုးတွေရွာတော့မယ်။ လေတွေတိုက်နေပြီ။ မိုးတွေခြိမ်းနေပြီ။ ကောင်းကင်ကြီးတစ်ခုလုံးလည်း မည်းနေပြီ။ ခဏနေ မိုးရောလေပါ သည်းသည်းမည်းမည်းချတော့မယ်။ ။

လွန်ခဲ့တဲ့ ၁၅နှစ် ဇွန်လ
ကျွန်မ သူငယ်တန်းကို ပထမဆုံးတက်ရမဲ့နေ့။ အဲ့နေ့ကလည်း မိုးတွေ သည်းနေတယ်။ ဖေဖေက ကားမောင်းနေတယ်။ ကိုကိုက ကားရှေ့ခန်းမှာ ဖေဖေနဲ့ ထိုင်နေတယ်။ ကျွန်မက နောက်ခန်းထဲမှာ။ ဘေးနားမှာ လွယ်အိတ်လေးရယ် ထမင်းချိုင့်ဆွဲခြင်းတောင်းလေးရယ် ချလို့ပေါ့။ တစ်လမ်းလုံး အတောမသတ်တဲ့ မေးခွန်းတွေနဲ့ ဖေဖေနဲ့ကိုကို ကိုမေးလာတယ်။ "ဖေဖေ.. အဲ့ဒီ ကျောင်းကြီးမှာ လူတွေ အများကြီးပဲလားဟင် "ကျွန်မ မူကြိုကို အိမ်နားမှာ တက်ခဲ့ပါတယ်။ မူကြိုနဲ့ ယှဉ်ရင် အခုတက်ရမဲ့ ကျောင်းက အကြီးကြီးမို့လို့ ကလေးပီပီ ကျောင်းကြီးဟုသာ ခေါ်ခဲ့တယ်။ "ကိုကို.. ကျောင်းကြီးမှာ ထိုင်ခုံတွေက လူကြီးထိုင်ခုံတွေပေါ့နော်" မူကြိုမှာတုန်းက စားပွဲထိုင်ခုံသေးသေးလေးတွေနဲု့ထိုင်ရတယ်။ "ကိုကို.. မုန့်စားဆင်းရင် မီမီးကို ဘယ်သူထမင်းခွံကျွေးမှာလဲ" မူကြိုတုန်းက လုပ်အားပေးဆရာမလေးတွေက ထမင်းခွံကျွေးနေကြ။ ကျွန်မမေးသမျှ မေးခွန်းတွေကို ဖေဖေက စိတ်ရှည်ရှည်ဖြေပေးပါတယ်။ ကိုကိုကတော့ ထုံးစံအတိုင်း လုံးဝစိတ်မရှည်။ နားညီးလိုက်တာဟာဆိုပြီး အနောက်လှည့်ပြီး အော်ပါသည်။ မိုးကလည်းသည်း ကားကလည်းပိတ်မို့ ကြာတော့ ဖေဖေလည်း စိတ်မရှည်။ ကျွန်မမေးခွန်းများကို မဖြေတော့။ ။ ဘာလို့လည်းမသိ မိုးရွာရင် မဆီမဆိုင် အဲ့ဒီအကြောင်းကို သတိရမိတယ်။ အဲ့လောက် ငယ်ငယ်လေးရှိသေးတာ တကယ်ကောမှတ်မိလို့လားဟု မေးရင် တကယ်ပါလို့ ဖြေပါရစေ။

လွန်ခဲ့တဲ့ ၈နှစ်၉နှစ် မိုးရာသီ
မိုးတွေသည်းတိုင်း ကျွန်မတို့လမ်းထဲမှာ ရေကြီးတယ်။ လမ်းထိပ်နားမှာဆို ပေါင်တစ်ဝက်ထိတောင် ရောက်တယ်။ ကျွန်မအရပ်နဲ့တိုင်းရင် ပြောတာနော်။ အဲ့တုန်းက ၁၁နှစ်၁၂နှစ် သမီးအရွယ်ပေါ့။ ကျွန်မတို့ အိမ်က လမ်းအလယ်မှာဆိုတော့ ရေက ခြေသလုံးနားလောက်ထိပဲ။ ရေကြီးရင် ကျွန်မတအားပျော်တယ်။ သတင်းစာတွေကို ခေါက်ခေါက်ပြီး သဘောင်္လွှတ်ရလို့။ တစ်ခါတစ်လေ လူကြီးတွေလစ်ရင် ရေထဲခိုးဆင်းသေးတယ်။ ဒီလောက် အမှိုက်တွေ ပေါလောပေါ်ပြီး ညစ်ပတ်နေတဲ့ ရေထဲကို ဆင်းတာပဲ။ ငယ်ငယ်တုန်းက အတော်ကဲပါတယ်။ အမေက တွေ့ရင်အော်ပါတယ်။ ၀ဲပေါက်ချင်လို့လားတဲ့ ရေသွားချိုးစမ်းဆိုပြီး။ ဟီး

လွန်ခဲတဲ့ ၅နှစ် ၉တန်းနှစ်
ကျွန်မတို့ကျောင်းက ကျောင်းဆင်းချိန်ဆို လာကြိုတဲ့မိဘများ အပေါက်ဝတွေ ပြွတ်ခဲနေတတ်ပါသည်။ ကျွန်မအိမ်ကတော့ အမြဲကျောင်းကြိုနောက်ကျသည်။ သိပ်တော့ မနောက်ကျပါ။ ၁၁နာရီခွဲ ကျောင်းဆင်းသည်တွင် ၁၂နာရီ၄၅မိနစ်လောက်မှ လာကြိုတတ်သည်။ ထိုနေ့က ကျောင်းဆင်းတော့ ကျွန်မသူငယ်ချင်းက ထီးမပါလာ။ ထို့ကြောင့် ကျွန်မနှင့် ထီးကပ်ဆောင်းသည်။ သူက အရပ်ပိုရှည်တော့ ထီးကို သူကိုင်သည်။ အပေါက်ဝနားလည်း ရောက်ကော သူ့အမေကိုတွေ့တော့ ပြေးသွားပါသည်။ ထီးပါ တစ်ခါတည်းမသွားသည်။ ကျွန်မလှမ်းခေါ်သော်လည်း လှည့်မကြည့်။ လူကောင်ညှပ်သည့် ကျွန်မ လူအုပ်ကြားထဲတိုးပြီး သူ့နောက်မလိုက်နိုင်။ ကျောင်းအပြင်ဖက်ရောက်တော့ မိုးခိုစရာနေရာလိုက်ရှာသည်။ မိုးကတအားသည်းသဖြင့် လူတော်တော်များများ အမိုးတွေအောက်ရောက်နေသောကြောင့် နေရာတော်တော်နှင့် မရ။ ထိုကြောင့် ကျွန်မကြွက်စုတ်ဖြစ်ခဲ့သည်။ လွယ်အိတ်ရော စာအုပ်ရော အကုန်စိုသည်။ အိမ်ရောက်တော့ ခိုက်ခိုက်တုန်နေပြီ။ မားသားက ဆူသည်။ စေတနာတယ်ကောင်းပြီး ထီးပါပေးလိုက်ရသလားတဲ့။

လွန်ခဲ့တဲ့ ၄နှစ်
၁၀တန်းပြီးတော့ ၂၈လမ်းမှာ အင်္ဂလိပ်စာသင်တန်းသွားတက်သည်။ အိမ်က အစ်ကိုက သူမအားဟု အကြောင်းပြကာ လမ်းလျှောက်သွားခိုင်းသည်။ အိမ်နှင့် ၂၈လမ်းအတန်ငယ်ဝေးသည်။ နာရီဝက်လောက်တော့ အနည်းဆုံးလမ်းလျှောက်ရသည်။ ကျွန်မအကျင့်က မိုးရွာထဲ ဒါမှမဟုတ် မိုးရွာပြီးစ လမ်းလျှောက်ရင် ဗွက်အမြဲစင်သည်။ သူများတွေစင်တာထက် ပိုစင်သည်။ ကျူရှင်ရောက်လျှင် ကျွန်မ ဘောင်းဘီရှည် အနောက်ဘက် ပေါင်ရင်းလောက်ထိ ရွှံ့တွေက အပြည့်။ ကြည့်မကောင်း ရှုမကောင်း။ နောက်ပိုင်း အ၀တ်အပိုယူသွားရသည်။ ဗွက်ထူသောလမ်းတွင် မိုးရွာချိန်လမ်းလျှောက်ရသည်မှာ ကျွန်မအမုန်းဆုံးအရာဖြစ်ခဲ့သည်။

၂၀၀၆ ၂၀၀၇ ၂၀၀၈ ၂၀၀၉
ကျွန်မ ရန်ကုန်က ထွက်ခဲ့သည်။ စင်ကာပူရောက်လာသည်။ ဒီမှာလည်း မိုးရွာပါသည်။ အခုလည်း သည်းကြီးမည်းကြီးရွာနေပါသည်။ ဒါပေမဲ့ ကျွန်မမိုးရေထဲထွက်ပြီး တစ်ခါမှ မကစားဖြစ်။ ရန်ကုန်တွင် မိုးရေထဲ ကစား၍ဖျားရင် ဂရုစိုက်မည့် အမေရှိသည်။ အော်မည့် အမေရှိသည်။ ဒီမှာ ကျွန်မကို ဘယ်သူမှ မအော်ပါ။ ဘယ်သူမှ ဖျားရင် ဆေးမတိုက်ပါ။ အမေနဲ့ဝေးတဲ့အရပ်မှာ ကျွန်မအကြောက်ဆုံးက ဖျားမှာကိုပါ။ ကျွန်မ ရောက်ရောက်ချင်းက ဖျားပါသည်။ ကိုယ့်ဟာကို ဆေးသောက်ရသည်။ ကိုယ့်ဟာကို ရေခဲကပ်သည်။ ဘာမဆို ကိုယ့်ဟာကိုယ်။ အိမ်ကို လွမ်းပါသည်။ အမေ့ကို လွမ်းပါသည်။ အမေမှုတ်ပြီးတိုက်တဲ့ ကြက်စွပ်ပြုတ်ပူပူလေးကို သောက်ချင်ပါသည်။
စင်ကာပူမိုးသည် အထီးကျန်မှုကို ပေးသည်။ ဒီတလော မိုးရွာရင် ငိုချင်သလိုလို လွမ်းသလိုလိုကြီးဖြစ်လာသည်။ ဘာဖြစ်လို့ဖြစ်မှန်းတော့မသိ။ အီမို ထင်ပါရဲ့။ :)
ကျွန်မ မိုးရေထဲ လမ်းလျှောက်ရတာ ကြိုက်သည်။ မှတ်မှတ်ရရ စင်ကာပူမှာ တစ်ခါပဲ မိုးရေထဲ လျှောက်ဖူးသည်။ ကျောင်းကအပြန် သူငယ်ချင်းဆီကလည်း ထီးငှားမရတာနဲ့ လွယ်အိတ်ကို ရေမစိုအောင် အုပ်ပြီ မိုးရေထဲပြန်လာဖူးသည်။ နောက်တစ်ခါ vivo city မှာ သူငယ်ချင်းနှင့်သွားတုန်းက မိုးဖွဲဖွဲကျနေသည်။ ထိုအချိန် ရေကန်ထဲမှာ လူတစ်ချို့ ရေကစားနေသည်။ ကျွန်မလည်း မိုးဖွဲဖွဲလေးအောက်မှာ ရေထဲဆင်းဆော့ချင်သည်။ ရေကန်ကို လှည့်တကြည့်ကြည့်ဖြစ်နေသည်။ သူငယ်ချင်းကလည်း ရိပ်မိသည်ထင်။ ဆော့ဖို့ပြောသည်။ သို့သော် နောက်ဆုံးတော့လည်း မကစားဖြစ်ပါဘူး။
ကျွန်မမကောင်းတဲ့ အကျင့်က အဲ့ဒါပဲ။ လုပ်ချင်ရင် မလုပ်ဘူး။ ဟိုဟာစဉ်းစားဒီဟာစဉ်းစားနဲ့။ လုပ်သင့်သလာ မလုပ်သင့်ဘူးလားတွေးလွန်းလို့ ကျွန်မဘ၀မှာ အရာတော်တော်များများလက်လွှတ်ခဲ့ရတယ်။ အခုတော့ လုံးဝ ဆုံးဖြတ်ထားတယ်။ နောက်တစ်ခါ မိုးရွာတာနဲ့ ကြုံရင်တော့ မိုးရေထဲမှာ စိတ်ရှိလက်ရှိကို ဆော့မယ်.. လမ်းလျှောက်မယ်။

ကဲ မိုးလည်းသိပ်သွားပီ။ ရေးရတာလည်း နည်းနည်းညောင်းသွားဘီဆိုတော့.... တော်သေးပီ။

သူငယ်ချင်းများရဲ့ ကဗျာ

ဒီရက်ပိုင်း မတရားအပျင်းထူနေပါတယ်။ ပို့စ်အသစ်ရေးဖို့ အကြံဥာဏ်များမှာလည်း ပေါ်ပေါ်ချင်း ချမရေးသည့်အတွက် ပြန်ပြန်ပျောက်သွားပါသည်။ အပျင်းထူတာ ပျောက်တဲ့ဆေးများရှိရင် ပြောကြပါ။ ကျေးဇူးဆပ်ပါမည်။ :)

အခုတော့ စာရေးရမှာ ပျင်းတာနဲ့ ဖတ်မိတဲ့ သူငယ်ချင်းတွေရဲ့ ကဗျာတွေတင်လိုက်ပါတယ်။ ကျွန်မရဲ့ သူငယ်ချင်းအချို့ဟာ ကဗျာရေးတော်တော်ကောင်းပါတယ်။ သူတို့ရေးသော ကဗျာများမှာ ကောင်းသော်လည်း ဘယ်မှာမှ မတင်ဖူးပါ။ ထို့ကြောင့် သူတို့ဆီက ခွင့်ပြုချက်ယူပြီး ကျွန်မဘလော့လေးမှာ တင်လိုက်ပါတယ်။

ကဗျာဆရာ ဆရာမ တွေကတော့ မTTH နဲ့ ကောင်းမြတ်ထွန်းဖြစ်ပါတယ်။ ကဗျာလေးတွေကို ပေးသုံးတဲ့ အတွက် ကျေးဇူးတင်ပါတယ်နော်။

ဝါသနာလေးများ(Tag game)

ကဲ မမနေခြည်နဲ့ မမမိုးခါးရေ... အကြွေးဆပ်ပြီနော်။ Tag gameတဲ့။ တစ်ခါမှတော့ အtagမခံရဖူးဘူး။ ကိုကိုမမတွေရဲ့ ဘလော့တွေမှာတော့ တွေ့ဖူးပါရဲ့။ ခုတော့ မမ၂ယောက်ကျေးဇူးကြောင့် ရေးဖူးသွားပြီပေါ့နော့။

ကျွန်မမှာ ၀ါသနာသေးသေးကြီးကြီး အတော်များများရှိပါတယ်။ တစ်ချို့ကတော့ ၀ါသနာပါပေမဲ့ သိပ်မလုပ်ဖြစ်ပါဘူး။ အဲ့ဒီတော့ ၀ါသနာလည်းပါ လုပ်လည်းလုပ်ဖြစ်တာလေးတွေပဲ ရေးပါ့မယ်။

ဓာတ်ပုံရိုက်ခြင်းနှင့်ပြင်ခြင်း
ငယ်ငယ်ထဲက ဓာတ်ပုံအရိုက်ခံရတာ ၀ါသနာပါပါတယ်။ ကြီးလာတော့ ၀ါသနာက ပိုရင့်လာပါတယ်။ ကျွန်မက ဓာတ်ပုံမစားပါ။ ရိုက်ထားသော ဓာတ်ပုံများကို ကြည့်လျှင် ၁၀ပုံမှာ ၁ပုံသာ ကောင်းပါသည်။ သို့သော် အသေရိုက်ပါသည်။ ရန်ကုန်တစ်ခါတစ်ခါ ပြန်လျှင် ရိုက်ဖြစ်သည့် ဓာတ်ပုံများမနည်းပါ။ အရင်က ဖလင်များနှင့်ရိုက်တုန်းက ဖလင်နှမြော၍ အားတိုင်းယားတိုင်း မရိုက်ပါ။ အခုတော့ ဒီဂျစ်တယ်ခေတ် ဖြစ်လာ၍ ကျွန်မအကြိုက်ဖြစ်သွားသည်။ ထို့အပြင် Photoshop လေးနှင့် ဟိုကလိ ဒီကလိ လုပ်ပါသည်။ ပြီးရင် Edit လုပ်ပြီးသော ပုံများကို ကြည့်၍ ကောင်းကောင်းမကောင်းကောင်း ပီတိဖြစ်တတ်ပါသေးသည်။

စာဖတ်ခြင်း
စာဖတ်တာကို အင်မတန် ၀ါသနာပါပါသည်။ ၂တန်းလောက်ထဲမှ စ၍ အပြင်စာများကို စဖတ်ဖြစ်သည်။ စာဖတ်ခြင်းဟု ပြောလိုက်၍ အထင်မကြီးသွားမိစေရန် ကြိုတင်ပြောကြားလိုပါသည်။ အကြောင်းမှာ ဖတ်သောစာများမှာ ဗဟုသုတရသော စာအုပ်ထက် ကာတွန်းစာအုပ်၊၀တ္ထုစာအုပ်များကိုသာ ပိုဖတ်သောသောကြောင့် ဖြစ်ပါသည်။ အိမ်တွင် ငယ်စဉ်ကတည်းက ထွက်သမျှ ကာတွန်းဂျာနယ် အကုန်ဝယ်သည်။ ပုံပြင်စာအုပ် တစ်ပတ်တစ်အုပ်ဝယ်ဖြစ်သည်။ ၇တန်းလောက် အရောက်တွင် ကျွန်မ၀ယ်ထားသော ဂျာနယ် နှင့် စာအုပ်များမှာ စတိုခန်း၏ ထက်ဝက်ခန့်ကို နေရာယူထားလေပြီ။ ကာတွန်းကို ၀ယ်ရုံတင် အားမရသေး။ စာအုပ်ဆိုင်က ငှားဖတ်သည်။ ဘိုဘို တွတ်ပီ ပိုးဇာ ဂျောက်ဂျက် ယူနိုင် ဒီရဲဂျာ သက်ပိုင်ရဲ ရှင်နှောင်း.. အမ်မလေး ပြောရင်ကုန်မှာ မဟုတ်တော့ဘူး။ အကုန်ဖတ်တယ်။ စာအုပ်ဆိုင် တစ်ဆိုင်ထဲ ငှားရတာ အားမရလို့ ၃ဆိုင် ပတ်ငှားတယ်။ ကျောင်းပိတ်ရက်ဆို တစ်နေ့ကို ကာတွန်း ၄ အုပ်ကနေ ၁၂အုပ်ထိ ဖတ်တယ်။ ရသမျှ မုန့်ဖိုးနဲ့ စာအုပ်ဖိုးတောင် မလောက်ဘူး။ အိမ်ကလူကြီးတွေကလည်း အပြင်မှာ လတ်လျားလတ်လျားမလုပ်ပဲ စာအုပ်ပဲဖတ်တာဆိုတော့ ဘာမှ သိပ်မပြော။ ၈တန်း ၉တန်းလောက် ရောက်တော့ လိုင်းပြောင်းသွားသည်။ ကာတွန်းနှင့် ပုံပြင်အစား ၀တ္ထုစာအုပ်များ အစားဝင်လာသည်။ ၀တ္ထုများကိုတော့ မ၀ယ်။ ဆိုင်မှ ငှားဖတ်သည်။ အမေက အချစ်ဝတ္ထုများ ပေးမဖတ်။ လွန်းထားထား ပုညခင် အိမ်သို့ သယ်လာခွင့်မရှိ။ တော်သေးသည်။ တာရာမင်းဝေ မင်းခိုက်စိုးစန် အကြည်တော် စာအုပ်များကို ဟာသစာအုပ်များဟု ပြောကာ အိမ်ငှားလာရင် ဘာမှမပြော။ ခုလောက်ဆိုရင်တော့ စာဖတ်ဘယ်လောက် ၀ါသနာကြီးလဲ သိလောက်ရောပေါ့။ ခုဒီရောက်လာတော့ အီးဘုတ်ခ်များနှင့်သာ ကျေနပ်နေရတော့သည်။ အဟင့်။

အစားအသောက်
ကျွန်မက ထမင်းနဲ့ဟင်းထက် သရေစာ ပိုကြိုက်တယ်။ ရန်ကုန်မှာတုန်းက တရုတ်တန်းမှာနေတော့ ညနေစောင်းပြီဆိုတာနဲ့ ချစ်မားသားဆီက ပိုက်ပိုက်တောင်း။ လမ်းထိပ်ထွက်ပြီး မုန့်လျှောက်ပတ်စားတာ။ တစ်ခါတစ်လေ ညစာထမင်းတောင် မစားဖြစ်ဘူး။ ညစာအလွတ် အပီဆွဲတာ။ ဘယ်နေရာမှာ ဘာမုန့်ကောင်းတယ် ဘယ်ဆိုင်ကောင်းတယ်ဆိုတာ အကုန်သိ။ စင်ကာပူရောက်တော့လည်း အားရင် ဟင်းချက်ကောင်းတဲ့ ဘလော့ဂါမမတွေဆီလျှောက်လည်။ သရေကျ။ အပြင်ရောက်ရင် ဟိုသရေစာ ဒီသရေစာ တို့တိတို့တိစား။ ဘလော့မှာ ဟင်းချက်နည်းတွေကိုမှတ် ပြီးရင် ခင်တဲ့မမတွေအိမ်ကိုသွား။ ချက်ကျွေးခိုင်း။(အမှန်တော့ ကိုယ့်ဟာကိုယ်ချက်စားကြည့်ချင်ပါတယ်။ ဒါပေမဲ့ အိမ်ရှင်က မီးဖိုချောင် သုံးခွင့်မပေးပါဘူး) ကဲ အဲ့လိုမျိုးလည်း အစားအသောက် ၀ါသနာကြီးပါသတဲ့။

တော်ပြီ။ ကြာရင် အစားပုတ်တဲ့ အကြောင်းတွေ ပေါ်ကုန်တော့မယ်။
ဘယ်သူ့ကို ဆက်tagရမလဲလို့ စဉ်းစားတော့ ဒီလိုအိုင်ဒီယာရပါတယ်။ အခုဒီစာကြောင်းကို ဖတ်မိတဲ့သူတွေအားလုံးကို tagပါတယ်။ ဘာအခုမှ မဖတ်တော့ဘူးလုပ်နေတာလဲ။ မရတော့ဘူး။ငှင်းငှင်း။ ရေးရတော့မယ်။ဒါပဲ။
ဟဟား။ ပေါတာတွေ တော်သင့်ပြီ။ တော်ကြာ တည်တည်ကြည်ကြည်နေတဲ့ ဘာဘာကို ငပေါမလေးလို့ ထင်ကုန်ကြတော့မယ်။ နောက်တာပါ။ ရေးချင်တဲ့ လူတွေရေးကြပါ။ ပြီးရင် ဆီပုံးမှာ အော်ခဲ့ပါ။ တစ်ယောက်ချင်းဆီကို သေချာလာလည်ဖတ်ပါ့မယ်။ :)

တွေးမိတွေးရာများ

Training နောက်၂ရက်မှာတော့ ပထမနေ့လောက်တော့ မဆိုးတော့ပါဘူး။ နည်းနည်း အဆင်ပြေတယ်။ ဒါပေမဲ့ စလုပ်လုပ်ချင်းမို့လား မသိဘူး။ လုပ်ရတာတော့ မပျော်ဘူး။ အလုပ်ကို မသွားချင်တာ။ ဒါပေမဲ့လည်း "ပျော်ရာမှာ မနေရ၊ တော်ရာမှာနေရ" လို့ပဲ စိတ်ထဲတွေးပြီး အလုပ်ဆက်သွားရတာပေါ့ကွယ်။

ဗဟုသုတတော့ အတော်ရသား။ ကျန်းမာရေးဗဟုသုတတွေပေါ့လေ။ လူနာပေါင်းစုံကိုလည်းတွေ့ပြီး အတွေးတွေလည်း များမိပါရဲ့။
တစ်ခါကဆို ကိုယ်ဝန်ဆောင်အမျိုးသမီးတစ်ယောက် လာပြတယ်။ သူက မွေးခါနီးပြီ။ ကျွန်မတို့ ဒေါက်တာမမနဲ့ မွေးမှာ။ ခွဲမွေးမှာတဲ့။ ဘာလို့လဲဆိုတော့ Horoscope တွက်ချက်မှုအရ April ၃ရက်နေ့ မနက် ၉နာရီက နေ ၁၁နာရီ အတွင်း မွေးရမယ်ဆိုပဲ။ အစက သူက Apr ၁ရက်နေ့ မွေးဖို့ Date လုပ်ထားတယ်။ နောက်တော့ Apr ၁ က April Fool Day မို့လို့တဲ့။ ၃ရက်နေ့ ပြောင်းလို့ရမလားဆိုပြီး ဆရာဝန်နဲ့ လာတိုင်ပင်တယ်။ April Fool Dayမှာ မွေးတော့ ဘာဖြစ်မှာကျလို့။ ရယ်တော့ ရယ်ရသား။ ဧပြီ၁ရက်နေ့မှာ မွေးတဲ့ ဖြိုးမော်တစ်ယောက်တော့ သူ့ဖွားဖက်တော် ညီလေး(သို့)ညီမလေး တစ်ယောက် လျော့သွားတာပေါ့လေ။ အဲ့လိုတွက်ချက်ပြီးမွေးတာနဲ့ ပတ်သက်ပြီး ကျွန်မတစ်ခုတွေးမိတယ်။ လူတစ်ယောက်ရဲ့ ကံကြမ္မာက မိခင်ဗိုက်ထဲရောက်ကတည်းက သတ်မှတ်ပြီးသားလို့ ထင်တာပဲ။ အဲ့လိုမျိုး အချိန်တွေ ပြောင်းပြီးမွေးလိုက်လို့ကော အဲ့ဒီကလေးရဲ့ ကံကြမ္မာက ပြောင်းသွားမှာလားဟင်။ ဘုရားသတ်မှတ်ပေးတဲ့ ကံကြမ္မာ(ဒါမှမဟုတ် ကိုသီဟသစ်ပြောသလို အတိတ်ကံက သတ်မှတ်ပေးတဲ့ ကံကြမ္မာ)ကို လူတွေက ကိုယ်တိုင်သတ်မှတ်ဖို့ ကြိုးစားနေသလိုပါပဲ။ ကျွန်မအတွေးလေးကို ပြောကြည့်တာပါ။ ပျင်းလို့ လျှောက်စဉ်းစားကြည့်တာနော်။

အလွဲများနဲ့ ကွန်မ၏တစ်နေ့တာ

ဒီရက်ပိုင်း စာရေးရမှာ အပျင်းထူနေပါတယ်။ အလုပ်ကိစ္စနဲ့ နည်းနည်းစိတ်ရှုပ်တာလည်း ပါတယ်။ အခု အလုပ်ကလည်း ရသလိုမရသလိုဖြစ်နေပါတယ်။ မနေ့က interview ၂ခုသွားပါတယ်။ ပထမတစ်ခုကတော့ ရေရေရာရာ မရှိလှပါဘူး။ မေးခွန်းနည်းနည်းမေးပြီး နောက်မှ ပြန်ဆက်သွယ်ပါ့မယ်ဆိုပြီး ပြီးသွားတယ်။ ဒုတိယ interview ကျတော့ အင်တာဗျူးတဲ့ ဒေါက်တာမမက အသက်၃၀ကျော်ဝန်းကျင်ပဲ ရှိပါသေးတယ်။ Training ဆင်းကြည့်ပါတဲ့။ ဒီအလုပ်က ညီမနဲ့ အဆင်ပြေမပြေမသိတော့ စမ်းလုပ်ကြည့်ပေါ့တဲ့။ ၃ရက်လောက်လုပ်ပြီး အဆင်ပြေရင် ဆက်လုပ်ပါလို့ ဒေါက်တာမမက ပြောပါတယ်။ ရာထူးကတော့ သူ့ရဲ့လက်ထောက်ပေါ့နော်။ အလုပ်ရှင်က ချောချောလှလှလေး။ စကားပြောလေးကလည်းချို။ အဲ့တော့ ဒီလို သဘောကောင်းကောင်း အလုပ်ရှင်နဲ့ လုပ်ရတော့ ကောင်းတာပေါ့ဆိုပြီး ခေါင်းကို ဆတ်ဆတ်ငြိမ့်လို့ ဒီနေ့Training စဆင်းတယ်ပေါ့ကွယ်။

သို့သော်လည်း အလုပ်စဆင်းတော့ အထင်နဲ့အမြင်က မှားခဲ့လေပြီ။ မနေ့က စကားချိုသော မမဒေါက်တာ။ ဒီနေ့ ဆေးခန်းရောက်တာနဲ့ ကောင်တာက ကောင်မလေး၂ယောက် လေပေါနေတာတွေ့လို့ စအော်ငေါက်ပါလေရော။ ကျွန်မတောင် နည်းနည်းလန့်သွားတယ်။ ပြီးတော့ ကျွန်မကို ၀န်ထမ်းတစ်ဦးက ဆေးlabel တပ်နည်းတွေ Lab form ရေးနည်းတွေ blah blah သင်ပေးတယ်။ ဆေးနာမည်တွေလည်း မှတ်ရသေးတယ်။ အဓိက တာဝန်က ဆရာဝန် consultation လုပ်နေတဲ့ အချိန် သူလိုအပ်သမျှလုပ်ပေးရမယ်။ သူ့ပါးစပ်က ဆေးနာမည် တစ်ခုထွက်ပြီဆိုတာနဲ့ ဗီရိုဖွင့် ဆေးထုတ်။ လူနာနာမည် နဲ့ ဆေးအညွှန်းရေး။ ပြီးရင် ဆရာဝန်က ဘာကို စမ်းသပ်မယ်ဆိုတာနဲ့ လိုအပ်တဲ့ ပစ္စည်းကိရိယာတွေ အဆင်သင့်ထုတ်။ လူနာတွေ ကုတင်ပေါ်တက်ရင် တွဲတင်ပေး တွဲချပေး။ ဗဟုသုတတော့ အတော်ရသား။ ဒါပေမဲ့ ဒေါက်တာမမက စိတ်အလွန်ကြီးကြောင်း မျက်ဝါးထင်ထင်တွေ့ခဲ့ရသည်။ လုပ်တာကိုင်တာ နှေးရင် အော်ခံထိဖို့ပြင်။ မှားရင်တော့ သေဖို့သာပြင်ပေတော့။ တစ်ခါ သူခိုင်းတာ ဘာခိုင်းမှန်းမသိ၍ ကြောင်နေတဲ့ ကျမ ကောင်းကောင်းကလော်တုပ်ခံရ။ သူ့ultrasound machine ပေါ် လက်မအားလို့ မှတ်စုစာအုပ်ခဏတင်မိ။ ထပ်အအော်ခံရ။ ဆေးဗီရိုတွင် စာရေးရင် ဆွဲထုတ်ရသော သစ်သားအပြားလေးရှိသည်။ ထိုသစ်သားအပြားလေးအား အထုတ်အသွင်းတွင် အားနည်းနည်းပြင်းသွားသည်။ ခြိမ်းခြောက်ခံရသည်။ ပျက်ရင် လစာထဲက နှုတ်မည်ဟု။ လစာကဖြင့် ဘယ်ဆီနေမှန်းမသိသေး။ ဆေးမှတ်တမ်းပေါ်တွင် လူနာနာမည်နှင့် IC ရေးခိုင်းသည်။ လူနာ နာမည်မှာ မတရားရှည်သောကြောင့် နေရာမဆန့်။ မြှားထိုးပြီးရေးမိသည်။ ထပ်ဆူခံရသည်။ နာမည်ရှည်မှန်းသိရင် အစထဲက ချုံ့ရေးပါလားတဲ့။ အခုကြည့်မကောင်း ရှုမကောင်းနဲ့တဲ့။ ကျွန်မလည်း ဒါဆို နောက်တစ်ရွက်ထပ်ရေးလိုက်ပါ့မယ်ဆိုပြီး စာရွက်နောက်တစ်ရွက် အပြေးသွားယူ။ ပြန်လာတော့ မမက ပြော၏။ စာရွက်သိပ်ပေါနေလားတဲ့။ စာရွက်ဆိုတာ သစ်ပင်ကလုပ်တာဆိုတာ နားလည်တယ်မလား။ စာရွက်ဖြုန်းတီးတာ သစ်ပင်တွေကို သတ်တာနဲ့ တူတူပဲ။ ပြန်သွားထားတဲ့။ သြော်... ဘာလုပ်လုပ်တလွဲပါလား ငါ့နဲ့နော်။ တော်ပါသေးရဲ့။ မမက လှည့်ပတ်အော်ငေါက်ရတာ မောသွားပြီထင့်။ ဒီနေ့ သင်ပေးတာတွေ အကုန်ချရေးတဲ့။ ပြီးရင် ပြန်တော့တဲ့။ ကျွန်မလည်း အတက်ကြွဆုံးရေးတော့တာပေါ့။ ရေးပြီးသွားတော့ မမက မေးပါတယ်။ မနက်ဖြန် Training လာအုံးမှာလားတဲ့။ အလုပ်ကလည်း ရှာရခက်တယ်ဆိုတော့ ရနိုင်တဲ့ ဒီအလုပ်လေးပဲ ဆက်ကြိုးစားကြည့်ရမှာပေါ့ကွယ်။ ဟင့်။ အဲ့တော့ လာမယ်ပဲပြောလိုက်ရတာပေါ့။ ကဲဒီတော့ ဒီည ဘုရားသေချာရှိခိုးသွားမှ။ မနက်ဖြန် ဒေါက်တာမမ စိတ်ကောင်းဝင်ပြီး တပည့်တော်မလည်း ဆူပူအော်ငေါက်ခံရခြင်းဘေးမှ ကင်းဝေးစေသောဝ်။ ။

မက်ခွင့်မရှိလိုက်တဲ့ အိပ်မက်တစ်စုံ -၂

လေပြေ မောင့်ဆီက ထိုစကားကြားပြီး စိတ်တွေ ယောက်ယက်ခတ်နေတယ်။ ခေါင်းထဲမှာလည်း အတွေးတွေက စုံလို့။ ထိုတစ်ခဏ သူမ မောင့်ကို ဘာပြန်ပြောရမှန်းမသိအောင် ဆွံအနေခဲ့မိသည်။"ကျွန်မ ပြန်တော့မယ်မောင်။" ဆိုတဲ့ တစ်ခွန်းထဲ ပြောပြီး လှည့်ထွက်ခဲ့တယ်။ မောင်က ပြန်လိုက်ပို့ပေးမယ်ဆိုသော်လည်း သူမ taxi ကို ဇွတ်တားပြီး ထွက်လာခဲ့တယ်။
အိမ်ပြန်ရောက်တာနဲ့ အခန်းတွင်းအောင်းနေမိတယ်။ ဒီလိုဆို သူမလည်း ဆေးသွားစစ်သင့်ပြီ။ သို့သော် ဆေးသွားစစ်ရန် လုံလောက်တဲ့ သတ္တိ လေပြေမှာ မရှိတာတော့ အမှန်ပင်။ဘာလို့ ဒီလို ကံကြမ္မာဆိုးကြီးက လေပြေနဲ့မောင်အပေါ် ကျလာတာလဲကွာ။ လက်ထပ်ပြီး တစ်ပတ်မျှသာ ရှိသေးတဲ့ ဇနီးမောင်နှံ အသစ်စက်စက်လေးကိုမှ ကံတရားက ရက်စက်လေခြင်း။ မောင် အိမ်ပြန်ရောက်လာတော့လည်း စကားမပြောဖြစ်။ အတွေးကိုယ်စီနဲ့ ၂ယောက်လုံးနှုတ်ဆိတ်နေမိတယ်။ ထိုတစ်ညလုံး သူမ တစ်မှေးမှ အိပ်မရခဲ့။ မောင်လည်း အိပ်လို့ရမည်မထင်။ နောက်ဆုံးတော့ လေပြေ ခိုင်မာတဲ့ ဆုံးဖြတ်ချက်တစ်ခု ချလိုက်သည်။ မနက်ဖြန် မနက်စောစော သူမဆေးသွားစစ်မည်။ မောင့်ကိုတော့ မခေါ်သွားတော့။ သူမတစ်ယောက်ထဲသွားမည်။
နံနက် ၆နာရီ ။ သူမတစ်ညလုံး မအိပ်ရသေးသော်လည်း ဆေးသွားစစ်ရမည်ဟူသော စိတ်ကြောင့်ထင်သည်။ အိပ်ချင်စိတ် လုံးဝမရှိ။ မောင်ကတော့ မိုးလင်းခါနီးမှ အိပ်ပျော်သွားသည် ထင်၏။ အိပ်မောကျနေသည် မှာ လုံးဝ အပြစ်ကင်းစင်လှသည်။ ဒီလို ရောဂါမျိုး မောင့်လို လူဆီမှာဖြစ်တယ်ဆိုတာ လေပြေခုချိန်ထိ ယုံရခက်ဆဲ။ အိပ်ရာထဲလည်း ဆက်မလှဲချင်တော့တာနဲ့ ရေမိုးချိုး ၊ဘုရားရှိခိုးပြီး မနက်စာအတွက် ပြင်ဆင်သည်။ သူမအိမ်က ထွက်လာချိန်အထိ မောင် အိပ်ရာက မနိုးသေး။ ထို့နောက် သူမ အိမ်မှ စောစောထွက်ကာ ရွှေတိဂုံဘုရားသို့ ၀င်သည်။ ထို့နောက် ဆေးစစ်ရန် ထွက်လာခဲ့သည်။ လမ်းတစ်လျှောက် သူမတွေးနေမိသည်။ အကယ်လို့ ဆေးစစ်တာ POSITIVE ဆိုရင် သူမ ဘာဆက်လုပ်မည်နည်း။ သူမ အသက် ၂၂နှစ်သာရှိသေးသည်။ သူမနှင့် မောင်တို့ ပျော်ရွှင်တဲ့မိသားစုဘ၀လေး ထူထောင်ကြမည်ဟု အိပ်မက်ထားသမျှ တကယ်ပဲ ဖြစ်မလာနိုင်တော့ဘူးလား။ ဆေးခန်းရှေ့ရောက်လာမှ သူမအတွေးစတွေ ပြတ်သွားသည်။ ဆေးခန်းရောက်ရောက်ခြင်း ဆေးစစ်လို့မရသေး။ အရင် consultation ၀င်ရသည်။ ဆရာဝန်မ ပြောသော စကားများ နားထဲဝင်တစ်ချက် မ၀င်တစ်ချက်။ ထို့နောက် ဆေးစစ်ပြီး အိမ်ပြန်လာခဲ့သည်။ "အဖြေရရင် ဖုန်းဆက်လိုက်မယ်။ ၂ ရက်အတွင်းတော့ ရမှာပါ။ စိတ်အေးအေးထားပါ မလေပြေ။ ဒါမျိုးက ဖြစ်ခဲပါတယ်။ "သူမလည်း ခေါင်းအသာငြိမ့်ကာ ထွက်လာခဲ့သည်။
အိမ်ပြန်ရောက်တော့ မောင် အိမ်မှာမရှိ။ company သွားတာပဲ ဖြစ်မည်။လေပြေ မောင့်ကို ချီးကျူးမိသည်။ ဤသို့ ကြောက်မက်ဖွယ် ရောဂါဆိုးကြီး စွဲကပ်နေသော်လည်း မောင် တည်ငြိမ်လွန်းသည်ဟု လေပြေထင်သည်။ သူလုပ်စရာရှိသော အလုပ်များကို မူမပျက် လုပ်သွားနိုင်သည်။ အကယ်လို့ သူမသာ မောင့်နေရာမှာဆို မောင့်လိုနေနိုင်ပါ့မလား။ မင်္ဂလာဧည့်ခံပွဲအတွက် ပြင်ဆင်ချင်စိတ်လည်း သူမမှာ မရှိတော့။ လေပြေတို့အတွက် အဓိပ္ပာယ်မှ မရှိတော့ပဲ မောင်ရယ်။ ညနေကျတော့ မောင်ဖုံးဆက်ရှာပါသည်။ မင်္ဂလာခမ်းဝင်ပစ္စည်းတွေ သွားကြည့်ချင်သေးလားတဲ့။ သူမစိတ်မပါလို့ မကြည့်တော့ဘူးဟု ပြောလိုက်သည်။ မောင်လည်း သူမစိတ်အခြေအနေကို နားလည်သည်ထင်ပါတယ်။ "ဒါဆိုလည်း မောင်စောစောပြန်လာမယ်နော်"ဆိုပြီး ဖုန်းချသွားသည်။
မောင် အိမ်ပြန်လာတော့ သူမတို့ ညစာတူတူစားဖြစ်သည်။ ခါတိုင်း ရယ်မောစနောက်သံတွေနှင့် ပြည့်နှက်နေသော ထမင်းဝိုင်းလေး အခုတော့ တိတ်ဆိတ်ခြောက်သွေ့မှုတွေသာ ကြီးစိုးနေသည်။ ထိုတိတ်ဆိတ်မှုကို မောင်ကပဲ စတင်ဖြိုခွင်းလိုက်သည်။ "ကျေးဇူးတင်ပါတယ် လေပြေ။" သူမ ခေါင်းငုံ့ထမင်းစားနေရာမှ မော့ကြည့်မိသည်။ မောင့်ပုံစံက တကယ်ကို လှိုက်လှိုက်လှဲလှဲ ပြောနေသလိုပင်။ "ဘာကိုကျေးဇူးတင်တာလဲ မောင်" "မောင်ကို ခွင့်လွှတ်ပေးလို့ပေါ့။ မောင်က လေပြေကို ပြောဖို့ တော်တော်လေး သတ္တိမွေးခဲ့ရတယ်။ လေပြေ မုန်းသွားမှာ မောင်ကြောက်တယ်။ မောင် တကယ့်ကို မိုက်လုံးကြီးခဲ့မိတာပါကွာ" "ဒီမှာ မောင်။ ကျမ မောင့်ကို ခွင့်လွှတ်တယ်လို့ ဘယ်တုန်းကမှ မပြောခဲ့ဘူး။ ခုချိန်မှ ကျမစိတ်တွေ တအားရှုပ်နေတဲ့အတွက် အဲ့ဒီကိစ္စနဲ့ ပတ်သက်ပြီး မောင့်ကို ကျမပြောဖို့ အင်အားမရှိသေးဘူး။ မောင့် အနားမှာ ဒီလောက် အစစအရာရာ လိုလေသေးမရှိအောင် ကျမတာဝန်ကြေခဲ့ရက်နဲ့ ဒီလိုမျိုးလုပ်ရက်တဲ့ မောင့်ကို ကျမဘယ်လိုနားလည်ပေးရမလဲ။ပြောပါ မောင်"သူမ၄နှစ်လုံးလုံး နှုတ်ကျိုးအောင် ခေါ်ခဲ့သော "မောင်"ဆိုသော အသုံးအနှုန်းကို မောင့်ကို စိတ်ဆိုးသည့်တိုင်အောင် ဆက်ခေါ်မိနေဆဲပင်။ "မဟုတ်ဘူး လေပြေ ... ဒီကိစ္စတွေက မောင်လေပြေနဲ့ မတွေ့ခင်တုန်းက ကိစ္စတွေပါ။ လေပြေနဲ့ တွေ့ပြီးနောက်ပိုင်း ကိုယ်တစ်ခါမှ သစ္စာမဖောက်ခဲ့တာ အမှန်ပါကွာ။"လေပြေ ထမင်းဆက်စားချင်စိတ်မရှိတော့။ ထမင်းဝိုင်းမှ ထထွက်လာသည်။
ဒီရက်ပိုင်း သူမ မောင်နှင့် ခပ်စိမ်းစိမ်းနေဖြစ်သည်။ မောင် အလုပ်က ပြန်လာရင်လည်း စကားသိပ်မပြောဖြစ်။ သို့နှင့် ဆေးစစ်ပြီး တတိယမြောက်နေ့မှာ သူမကို ဆရာဝန်မက ဖုန်းဆက်သည်။ ဆေးစစ်ထားသည့် အဖြေလွှာ ရပြီဟု အကြောင်းကြားခြင်း ဖြစ်သည်။ အဖြေကို ဖုန်းထဲက မေးတော့ ဆရာဝန်မက လူကိုယ်တိုင်လာယူဖို့ ပြောသည်။ လေပြေ စိတ်ထဲထင့်နေသည်။ ဒီလိုနှင့် ဆေးခန်းရောက်တော့ အဖြေက NEGATIVE တဲ့။ လေပြေ ၀မ်းသာသွားသည်။ ဒါပေမဲ့ ဆရာဝန်မက ဆက်ပြောသည်။ "လေပြေ နောက် ၆လနေရင်တော့ ထပ်ဆေးစစ်ဖို့လိုမယ်။ အခုက လေပြေတို့ လက်ထပ်ထားတာ တစ်ပတ်ပဲ ရှိသေးတယ်ဆိုတော့ အကယ်လို့ ရောဂါပိုးကူးခဲ့မယ်ဆိုရင်တောင် အဲ့လောက်တစ်ပတ်အချိန်အတွင်းမှာ မသိနိုင်ဘူး။" "ဟုတ်ကဲ့ပါ ဆရာမ။ လေပြေ နောက်၆လလောက်နေရင် ပြန်လာခဲ့ပါအုံးမယ်။"လေပြေစိတ်ထဲမှာ နည်းနည်းတော့ ပေါ့သွားသလိုပင်။ သို့သော်လည်း နောက်၆လဆိုသော အချိန်မှာ ဘာမဆိုဖြစ်လာနိုင်သေးသည် မဟုတ်ပါလား။
လေပြေအိမ်ပြန်ရောက်တော့ မောင်က အစောကြီးအိမ်ပြန်ရောက်နေသည်။ "လေပြေ ဘယ်သွားနေတာလဲကွာ။ မောင် ဒီနေ့ နေလို့မကောင်းတာနဲ့ အိမ်စောစောပြန်လာခဲ့တယ်။ လေပြေဖုန်းဆက်တာလည်း ဘယ်လိုမှ ခေါ်လို့မရဘူး။" "အင်း လေပြေ မေချိုတို့အိမ်ခဏသွားနေတာ။ ဖုန်းက ဘက်ထရီကုန်နေတယ်။ " သူမ စကားကို မေးတစ်ခွန်း ဖြေတစ်ခွန်းသာ မောင့်ကို ဆက်ဆံခဲ့သည်။ မောင်နေမကောင်းဘူးဆိုမှ မောင့်ကို သေချာပြန်ကြည့်မိသည်။ သူမ ပစ်ထားသော ၃၊၄ရက် အတွင်းမှာတောင် မျက်နှာချောင်ကျသွားလိုက်တာ။ မောင့်ကို သနားသလို ဖြစ်သွားသည်။ အို..ဘာလို့ သနားရမှာလည်း။ သူ့အပြစ်နဲ့ သူပဲ။ သစ္စာမဲ့တဲ့ ဒဏ်ခံရတာ။ သူမအဲ့လိုမျိုး စိတ်ကိုတင်းထားပေမဲ့ တကယ်တမ်းတော့ မနေနိုင်ပါ။ ချောင်းတဟွပ်ဟွပ်ဆိုးနေသော မောင်။ ခါတိုင်းထမင်းကို လိုက်ပွဲယူမှ ၀သည့်မောင်။ အခုတော့ ထမင်း တ၀က်ကိုပင် တပင်တပန်းစားနေရသလိုပင်။ မောင် ဘာအပြစ်တွေ လုပ်ခဲ့လုပ်ခဲ့ သိပ်ချစ်လို့ လက်ထပ်ခဲ့သောမောင့်ကိုတော့ ကြာကြာပစ်မထားနိုင်။ ရေနွေးနွေးလေးနှင့် ချောင်းဆိုးပျောက်ဆေးယူကာ သွားပေးလိုက်သည်။ နေမကောင်းသည့်ကြားမှ မောင့်အပြုံးလေးကို သူမမြင်လိုက်ရသည်။
မောင် ဒီရက်ပိုင်း အတော်နေမကောင်းဖြစ်သည်။ သူ့ကို ကြည့်ရတာလည်း လုံးဝအားမရှိသလိုပင်။ လေပြေ နေ့တိုင်း ကြက်ပေါင်းတွေ ပေါင်းတိုက်သော်လည်း မောင့်ကို ကြည့်ရတာ တော်တော်ဖျော့တော့နေသည်။ လေပြေမနေနိုင်တော့။ မောင့်ကို မေးလိုက်သည်။ "မောင်.. ဆရာဝန်ကော ပြရဲ့လား ဟင်။"မောင်က သူမကို ပြုံးပြီးကြည့်သည်။"သေမိန့်ကျပြီးသား လူတစ်ယောက်က ဆရာဝန်ဆီ သွားတော့ကော ဘာများထူးခြားမှာလဲ လေပြေရယ်"မောင်ရယ် ဖြစ်မှ ဖြစ်ရလေ။ ကိုယ့်ဟာကိုယ် သေဒဏ်ကျတရားခံတစ်ယောက်လိုတောင် သတ်မှတ်ထားပါလား။ အမှန်တော့ ဒါဟာကုမရတဲ့ ရောဂါတစ်ခု မဟုတ်ပါဘူး။ ခုခေတ်မှာ ဆေးဝါးတွေ ဒီလောက် ခေတ်မီနေတာပဲ ။ သူမ မောင့်ကို ရအောင် ကုမည်။ ပြုစုမည်။ မောင် လူကောင်းနှင့်မခြား သက်တမ်းစေ့ နေနိုင်စေရမည်ဟု စိတ်ပိုင်းဖြတ်လိုက်သည်။ သူမ မောင့်ကို ဟိုရက်ပိုင်းတွေတုန်းက လစ်လျူရှူခဲ့မိတာတောင် နောင်တရသွားသည်။ သူမမောင့်ကို နွေးထွေးတဲ့ အားပေးမှုတွေ ပေးသင့်တဲ့အစား အေးစက်တဲ့ လစ်လျူရှုမှုတွေသာ ပေးခဲ့သော်လည်း မောင်တစ်ချက်လေးမှ စောဒက မတက်ခဲ့။ သူမမောင့်ကို ဒီအတိုင်း ဖြစ်ထားလို့တော့ မဖြစ်။ မနက်ဖြန် ယုံကြည်ရတဲ့ အသိဆရာဝန်တစ်ယောက်ဆီ ခေါ်သွားရမည်။ မောင့်အသက် ၂၆နှစ်သာ ရှိသေးသည်။ သူမတို့မှာ လှပတဲ့ အနာဂတ်တွေ ရှိသေးသည်။ မောင့်ကို သူမဘ၀ထဲက ထွက်ခွာခွင့် မပြုနိုင်သေးဘူး။
နောက်တစ်နေ့ မောင့်ကို ဆေးခန်းသွားဖို့ခေါ်တော့ မောင်က အတင်းငြင်းသည်။ နောက်ဆုံး သူမ တောင်းပန်တစ်လှည့် စိတ်ကောက်တစ်လှည့် မနည်းခေါ်မှ မလိုက်ချင်လိုက်ချင်နှင့် လိုက်လာသည်။ စမ်းသပ်မှုတွေအပြီး ဆရာဝန်က သေချာရှင်းပြသည်။ ဆောင်သင့် ရှောင်သင့်သည့် အချက်တွေကို။ မောင်က ရောဂါဖြစ်တာကို သိတာ နောက်ကျတဲ့ အတွက်ရော သင့်လျော်တဲ့ ဆေးဝါးကုသမှု မခံခဲ့တဲ့အတွက် အခြေအနေက သိပ်တော့ အားရစရာမရှိကြောင်း။ဒါပေမဲ့ အခုအခါ ဆေးဝါးတွေက တိုးတက်လာပြီ ဖြစ်တဲ့အတွက် ဆေးမှန်မှန်သောက်မယ် ကျန်းမာရေးဂရုစိုက်မယ်ဆိုရင် မောင့်ဟာ လူပုံမှန်တစ်ယောက်လို နေနိုင်သွားကြောင်း အခုလာပြတာ အချိန်မှီလေး ဖြစ်ကြောင်း ဂရုစိုက်ဖို့လိုကြောင်း ပေါ့ပေါ့မနေသင့်ကြောင်းပြောသည်။သူမ မောင့်ကို တစ်ချက်ပြုံးကြည့်ပြီး မောင့်လက်လေးကို တင်းတင်းဆုပ်လိုက်သည်။"မောင် ဒီမှာ ဆရာက ပြောနေတယ်။ ဆေးမှန်မှန်သောက်ရင် သက်သာသွားမယ်တဲ့။ကြားတယ်နော်။"ထို့နောက် သူမ ဆရာဝန်ပေးတဲ့ ဆေးများယူပြီး ပြန်လာခဲ့သည်။ လမ်းတစ်လျှောက် မောင်က စကားတော့ သိပ်မပြော။ သူမက စပြီး "မောင် လေပြေကို ချစ်ရင် ဆေးမှန်မှန်သောက်ရမယ်နော်။ လေပြေကိုယ်တိုင် အချိန်မှန်တိုက်မယ်။ မသောက်လို့ကတော့ မိလေပြေ အကြောင်းသိတယ်နော်..ဟင်းဟင်း""ဟုတ်ပါပြီဗျာ။ ဒေါ်လေပြေစကားနားထောင်ပါ့မယ်ဗျာတဲ့" ကဲဘယ်လောက်ချစ်ဖို့ကောင်းတဲ့ မောင်လည်း။ ဒါပေမဲ့ သူမချစ်သောမောင်သည် သူမအနားက ထွက်ခွာခွင့် မပေးနိုင်သေးပါ။ သူမ အတတ်နိုင်ဆုံး မောင့်ကို လူကောင်းပကတိလို နေနိုင်အောင် ကြိူးစားမည်။ သူမ သက်ပြင်းတိုးတိုးလေးတော့ တစ်ချက် ခိုးချမိသည်။

ဆက်ပါဦးမည်။ (ဇာတ်လမ်းက မလိုအပ်ပဲဆွဲသလို ဖြစ်သွားလားမသိဘူး။ ရေးပြီး သိပ်တော့ စိတ်တိုင်းမကျသေးဘူး။နောက်မှ ပြန်ပြင်တော့မယ်။ ခုလက်ညောင်းသွားပီ။ :D စိတ်ရှည်ရှည်ထားပြီး ဖတ်ပေးတဲ့အတွက် ကျေးဇူးပါရှင်။)

မက်ခွင့်မရှိလိုက်တဲ့ အိပ်မက်တစ်စုံ

"မောင်...လာလေ။ ဘာငေးနေတာလဲ။ ဟိုမှာ ဓာတ်ပုံရိုက်ဖို့ ခေါ်နေပြီ။"
လေပြေတို့ ဒီနေ့ မင်္ဂလာပွဲအကြိုဓာတ်ပုံလာရိုက်နေခြင်း ဖြစ်သည်။ မောင်တစ်ယောက် ဒီနေ့ဘာတွေဖြစ်နေလည်းမသိ။ ငေးတိငေးတိုင်နဲ့။ လူနဲ့စိတ်နဲ့ မကပ်သလိုပင်။ ဓာတ်ပုံရိုက်တာလည်း မပြုံးပဲ တည်တည်ကြီးဖြစ်နေလို့ ဓာတ်ပုံဆရာလည်း ပြုံးခိုင်းရတာ မောနေပြီ။ အမြဲတမ်း ပြုံးပြူံးရွှင်ရွှင် တက်တက်ကြွကြွနေတတ်တဲ့ မောင်..တစ်ခုခုတော့ လွဲနေပြီဆိုတာ လေပြေရိပ်မိနေပြီ။ မောင် ဒီရက်ပိုင်း မင်္ဂလာဆောင်အတွက်ရော companyကအလုပ်တွေပါ လုံးပန်းနေရတော့ ပင်ပန်းလွန်းလို့ပဲ ဖြစ်မှာပါ။

ဓာတ်ပုံရိုက်တာလည်း တော်တော်တော့ အချိန်ပေးရသား။ မနက်၉နာရီထဲက စလိုက်တာ အခုညနေ၃နာရီမှပဲ ပြီးတော့တယ်။ ဒါပေမဲ့ လေပြေတစ်ယောက် မမောနိုင်သေး။ မင်္ဂလာခန်းဝင် ပစ္စည်းတွေ မောင်နဲ့ လိုက်ဝယ်ရအုံးမယ်။ လေပြေတို့ ဧည့်ခံပွဲက နောက်လ၂၀ရက်နေ့။ အချိန်က တစ်လခွဲလောက်ပဲ လိုတော့တယ်။ ဒါကြောင့် အလောတကြီးနဲ့ လိုက်လုပ်နေရတာ။ဒါပေမဲ့ အဲ့လိုပင်ပန်းနေရတာကိုပဲ လေပြေက ပျော်နေတာလေ။

လေပြေဓာတ်ပုံရိုက်ပြီးတော့ အ၀တ်အစားပြန်လဲ၊မိတ်ကပ်တွေ ပြန်ဖျက်လုပ်နေတုန်း မောင်က သူကားပေါ်ကပဲ စောင့်နေမယ်တဲ့။ လေပြေလည်း ခပ်သွက်သွက်လေးလုပ်ပြီး ထွက်လာခဲ့တယ်။ လေပြေ ကားပေါ်ရောက်တော့ ကိုယ်တော်ချောက စတီယာရင်ပေါ် ခေါင်းမှောက်ပြီး အိပ်နေလေရဲ့။ သူမလည်း အသာလေးလှုပ်နှိုးလိုက်တယ်။ မောင်ထလာတော့ မောင့်မျက်လုံးတွေကို အမှတ်မထင်ကြည့်မိသွားသည်။ အို.. မောင့်မျက်လုံးတွေ နီပြီး မို့အစ်နေပါလား။ မောင်ငိုထားတာလား။ မဖြစ်နိုင်။ မောင်ငိုတာ လေပြေတစ်ခါမှ မတွေ့ဖူးဘူး။ "မောင့်မျက်လုံးတွေ ဘာဖြစ်နေတာလဲဟင်။ အိပ်ရေးမ၀လို့လား" ကျွန်မမေးလိုက်သည်။ မောင်ပြန်မဖြေပါ။ "လေပြေ..မောင်တို့ နောက်နေ့မှ ပစ္စည်းတွေ သွားဝယ်ရအောင်။ မောင် လေပြေကို အရေးကြီးကိစ္စ ပြောစရာရှိတယ်။ မောင်တို့ အေးအေးဆေးဆေး တစ်နေရာသွားရအောင်။" ကျွန်မမောင့်ကို ကြည့်ပြီး ရင်တွေပူလာသည်။ သို့သော် ဘာမှ ပြန်မပြောဖြစ်။ ခေါင်းအသာငြိမ့်လို့ လိုက်လာခဲ့သည်။

ကန်တော်ကြီးရဲ့ ခုံတန်းလေးတစ်ခု။ အချိန်က ညနေ၄နာရီ။ ရောက်တာ ၁၀မိနစ် ရှိပြီ။ အရေးကြီးကိစ္စ ပြောစရာရှိသည် ဆိုသောမောင် ခုချိန်ထိ စကားတစ်ခွန်းမှ မဟသေး။ လေပြေစိတ်မရှည်တော့။ "မောင်.. ပြောစရာ ရှိတာမြန်မြန်ပြောလေ။ ဘာတွေဖြစ်နေတာလဲကွာ။" မောင်သူမကို စိုက်ကြည့်သည်။
"လေပြေ.. မောင် လေပြေကို သိပ်ချစ်တာ လေပြေသိပါတယ်နော်"
"အော်..မောင်ကလည်း ဘာများလည်းလို့။ သိတယ်လေ။ မောင်က လေပြေကို သိပ်ချစ်သိပ်အလိုလိုက်၊ ဒါကြောင့်လည်း မောင့်ကို တစ်ဘ၀လုံးအတွက် ရွေးချယ်ခဲ့တာပဲဟာကို။"
"မောင်သာ အပြစ်တစ်ခုခုလုပ်မိရင် လေပြေတစ်သက်လုံး မုန်းသွားမှာလားဟင်။"
"မောင်ကလည်း ဘာတွေပြောနေတာလဲ။ မောင် ဘယ်တော့မှ လေပြေစိတ်ဆင်းရဲအောင် မလုပ်ဘူးဆိုတာ လေပြေယုံတယ်။"
"မောင်လေ...မောင် ..လေပြေကို ၀န်ခံစရာတစ်ခုရှိတယ်။ မောင်ကို ခွင့်မလွှတ်ပါနဲ့ လေပြေရယ်။ မောင် တအားမှားခဲ့တယ်ကွာ.. တောက်"
"ဘာကိစ္စလဲမောင်.. မြန်မြန်ပြောပါမောင်ရယ်။ လေပြေ ရင်တွေပူလို့ပါ။"
မောင် သက်ပြင်းရှည် တစ်ချက် ချတယ်။ ပြီးတော့ သူမကို မကြည့်ပဲ ကန်ရေပြင်ကို ကြည့်ရင်း စကားဆက်ပြောတယ်။
"မောင် ပြီးခဲ့တဲ့ အပတ်က သူငယ်ချင်းတစ်ယောက် ဆေးစစ်တာ အဖော်လိုက်သွားပေးတယ် လေပြေ။ သူက HIV သွားစစ်တာ။ သူ့တစ်ယောက်တည်း မသွားချင်ဘူးဆိုတာနဲ့ လိုက်သွားပေးတာ။ ဟိုရောက်တော့ သူက မင်းပါတစ်ခါတည်း စစ်ထားပါလား။စစ်ထားတော့ ပိုကောင်းတာပေါ့ကွာ ဆိုတာနဲ့ မောင်ပါတစ်ခါတည်း စစ်ခဲ့တယ်။ အဖြေက လွန်ခဲ့တဲ့၂ရက်က ရတယ်။ မောင့်သူငယ်ချင်းက NEGATIVE တဲ့။ ဒါပေမဲ့ ....ဒါပေမဲ့..."
မောင့် စကားသံတွေ တုန်နေသည်။ ကျွန်မလည်း ဆက်နားမထောင်ရဲတော့။ မောင်ရယ် ရက်စက်လိုက်တာ။ ကျွန်မအပေါ်လည်း သစ္စာမဲ့မယ်လို့ ဘယ်တုန်းကမှ မထင်ခဲ့မိဘူး။ ဟာ... ရုတ်တရက် သူမထူပူသွားသည်။ သူမနဲ့မောင် လွန်ခဲ့တဲ့ တစ်ပတ်ခန့်က တရားရုံးတွင် လက်မှတ်ထိုးပြီး အကြင်လင်မယားဘ၀ရောက်ခဲ့သည်။ ဧည့်ခံပွဲကတော့ ဟိုဖက်ဆွေမျိုး ဒီဖက်ဆွေမျိုးစောင့်ရင်းနဲ့ နောက်လမှ ကျင်းပဖို့ ဆုံးဖြတ်ခဲ့ကြခြင်းဖြစ်သည်။ ဒါဆို မောင့်မှာ HIV POSITIVE ဆိုတော့ သူမရော???

ဆက်ပါဦးမည်။ ။

အင်း တစ်ခုတော့ တစ်ခုခုပဲ

ညတုန်းက ကျွန်မ ၂နာရီလောက်မှာ အိပ်ရာဝင်တယ်။ အိပ်တော့ ဘာလို့မှန်း မသိ အိပ်မပျော်ဘူး။ ဟိုအကြောင်းတွေး ဒီအကြောင်းတွေးနဲ့ ၃နာရီလောက်ထိ အိပ်မပျော်ဘူး။ ၃နာရီကျော်လောက် တစ်ချက် မှေးခနဲ အိပ်ပျော်သွားတယ်။ မကြာပါဘူး "ချွမ်း"ဆိုပြီး သော့တွဲလို ပစ္စည်းမျိုး ပြုတ်ကျသံကြားပြီး လန့်နိုးလာတယ်။ အိမ်မက်များလားလို့ ပြန်စဉ်းစားတယ်။ ဟင့်အင်း အိပ်မက်မဟုတ်ဘူး သေချာတယ် ။နားနဲ့ ဆတ်ဆတ်ကြားလိုက်တာ။ ကျယ်လည်းကျယ်တယ်။ ဒါနဲ့ ကျမ အိပ်ရာက အသာထလို့ မီးပြန်ဖွင့် ဘာပစ္စည်း ပြုတ်ကျတာလဲလို့ လိုက်ရှာတယ်။ သော့နဲ့တူတာ ဘာမှ မတွေ့သလို ဘာပစ္စည်းမှလည်း အောက်မကျနေပါဘူး။ အသံက အခန်းအပြင်က အသံမဟုတ်သလို ဘေးခန်းက လူတွေလည်း အိပ်မောကျလို့ ဟောက်သံတွေတောင် ကြားနေရတယ်။ ဒါနဲ့ ကျမလည်း မီးပြန်ပိတ်ပြီး အိပ်ရာပြန်ဝင်တယ်။ မျက်လုံးပိတ်ထားပြီး ၅မိနစ်လောက် အကြာမှာ အသံထပ်ကြားတယ်။ ဒီတစ်ခါ ပစ္စည်းပြုတ်ကျသံမဟုတ်တော့ဘူး။ စကားပြောသံ။ ဝေးဝေးကလာတဲ့ အသံတော့ မဟုတ်ဘူး။ ကျမ ခေါင်းရင်းနား တစ်ကိုက်အကွာလောက်က ပြောတဲ့အသံလိုမျိုး။ ဘာစကားပြောလဲဆိုတာတော့ သေချာမကြားရဘူး။ ဗလုံးဗထွေးနဲ့။ ကျမလည်း ကြောက်ကြောက်နဲ့ ပေါက်ကရတွေ လျှောက်မစဉ်းစားတော့ဘဲ ဖုန်းနဲ့ သီချင်းကျယ်ကျယ် ဖွင့်လိုက်တယ်။ ပြီးတော့ မျက်စိကိုမှိတ် ရသမျှ ဘုရားစာရွတ်ပြီး အိပ်လိုက်တယ်။ တော်ပါသေးရဲ့။ အိပ်ပျော်သွားလို့။ မဟုတ်ရင် လျှောက်စဉ်းစားပြီး လန့်နေအုံးမှာ။ ဒီရက်ပိုင်း သရဲကားတွေ လူသတ်ကားတွေ ကြည့်မိလို့ပဲ စိတ်တွေ ခြောက်ချားနေတာလား မသိ။ အခု ဒီပို့စ်ရေးနေရင်းတောင် channel U က လာနေတဲ့ ထိုင်းသရဲကား ကြည့်နေတယ်။ အဟိ :P

ကျွန်မရဲ့ စိတ်ထွက်ပေါက်များ

ကျွန်မအိမ်နားမှာ တောင်ကုန်းလေးတစ်ခုရှိတယ်။ အဲ့နေရာလေးက တော်တော်မြင့်တော့ လေလည်းတိုက်တယ်။ ထိုင်လို့လည်းကောင်းတယ်။ ကျွန်မစိတ်ညစ်တဲ့အချိန် စိတ်ကျဉ်းကျပ်တဲ့ အချိန်ဆိုရင် အဲ့နေရာလေးမှာ သွားထိုင်ဖြစ်တယ်။ ခါတိုင်းထိုင်တာတော့ ညဖက်တွေများတယ်။ ညနေဖက်ဆို လမ်းလျှောက်တဲ့လူတွေ၊ လေ့ကျင့်ခန်းလုပ်တဲ့လူတွေ ရှိတတ်တော့ သိပ်ထိုင်လို့မကောင်းဘူး။ လွန်ခဲ့တဲ့ တစ်နှစ်ကျော်လောက်ဆို ပိုတောင်မိုက်သေး။ အဖိုးကြီးတစ်ယောက် အဲ့တောင်ကုန်းပေါ်မှာ တယောလာလာထိုးတတ်လို့။ တယောထိုးတာလေး နားထောင်ရင်း လေတဖြူးဖြူးနဲ့ ထိုင်ရတဲ့အရသာဟာ တကယ်ကို ဘာနဲ့မှ မလဲနိုင်ဘူး။ ဒီတောင်ကုန်းလေးက ကျွန်မအတွက် စိတ်အပန်းဖြေတဲ့နေရာလို့ ပြောလို့ရသလို အမှတ်တရအချို့ ကိုလည်း သိမ်းပေးထားတဲ့ နေရာလေးဆိုလည်း မမှားပါဘူး။ ဒီနေ့ ညနေ အပြင်က ပြန်လာတော့ ညနေဖက်၊ ထူးထူးဆန်းဆန်း တောင်ကုန်းပေါ်မှာ လူရှင်းနေတာနဲ့ တစ်ယောက်ထဲ သွားထိုင် ဖြစ်တယ်။ ထိုင်ရင်းနဲ့ စိတ်ကူးပေါက်လို့ ဖုန်းထုတ်ပြီး ဓာတ်ပုံတွေ လျှောက်ရိုက်ဖြစ်တယ်။ ဖုန်းကင်မရာက 2 Mega pixel ပဲရှိတော့ ကွာလတီတော့ ကောင်းဘူးပေါ့ကွယ်။ နည်းနည်းတော့ သည်းခံကြပါ။ အားနာပါးနာနဲ့ အလဲ့ ရိုက်ထားတာ မဆိုးဘူးပဲလို့ ပြောပေးရင် နေကြာစိ တစ်စိ အလကားကျွေးမယ်။ အဟုတ်။ :P တောင်ကုန်းလေးမှာ အတက်အဆင်း လှေကား၂ခုရှိတယ်။ ကျွန်မက များသောအားဖြင့် အပြင်ကပြန်လာရင် ၀င်ထိုင်တာများလို့ လမ်းမနဲ့ နီးတဲ့လှေကားက တက်ဖြစ်တယ်။ထိုင်တတ်တဲ့ ထိုင်ခုံလေးနဲ့ စိတ်ပေါက်ရင် တက်စီးတတ်သော မော်တော်စပရိန်(မကြီးမငယ်နှင့် သောင်းကျန်းသည်ဟု အတင်းမတုပ်ပါရန်။ ကြားရှိက ထိရောက်စွာ အရေးယူမည် ဖြစ်ကြောင်း :P)
ဒါက တောင်ကုန်းပေါ်မှ လှမ်းကြည့်ရင် မြင်ရသော မြင်ကွင်း။ ။
အဆင်းလှေကား။ (အဆင်းလှေကားဆိုတော့ တက်လို့ကောမရဘူးလားဟု မေးကောင်းမေးပါလိမ့်မည်.. ရပါသည်။ တက်လို့ကော ဆင်းလို့ကော။ ကျွန်မကတော့ ထိုလှေကားကို တတ်ရသည်မှာ ခြေထောက်ပိုညောင်းသည် ထင်သောကြောင့် အဆင်းလှေကားအဖြစ်သာ သတ်မှတ်ပါသည်။)ထိုလှေကားက ဆင်းလျှင် ဤကစားကွင်းငယ် ရှိပါသည်။ ထို ကစားကွင်းတွင်လည်း မကြာခဏသွားထိုင်ပါသည်။
ထိုတောင်ကုန်းအနီးတွင် ကစားကွင်း ၂ခုရှိပါသည်။ တစ်ခုက အတက်လှေကားနားမှာဖြစ်၍ နောက်တစ်ခုက အဆင်းလှေကားနားမှာပါ။ အခုပုံမှာ အဆင်းလှေကားနားမှ ကစားကွင်းဖြစ်သည်။ (မှတ်ချက်။ ။ ထိုင်ခြင်းသက်သက်သာ ဖြစ်သည်။ ၀င်မကစားပါ။)ဒါက ကျွန်မ၀င်ထိုင်တတ်သော ကစားကွင်း၏ အတွင်းပိုင်းဖြစ်ပါတယ်။
ဤသည်မှာ အတက်လှေကားနားမှ ကစားကွင်းဖြစ်၏။ ၀င်ထိုင်ရန် စိတ်ကူးရှိသော်လည်း အမြဲလိုလို လူရှိတတ်၍ မထိုင်ဖြစ်ခဲ့။
ဒါကတော့ စင်ကာပူမှာ ကျွန်မအကြိုက်ဆုံးနေရာ။ Henderson Wave။ ဘာလို့မှန်းမသိ ထိုနေရာကို တအားကြိုက်သည်။ ရောက်သွားတဲ့ အချိန်က ည၇နာရီ။ ကောင်းကင်မှာ ကြယ်တွေမရှိသေး။ သို့သော် ထိုအချိန်တွင် တံတားမှ မီးများထွန်းပြီ ဖြစ်သောကြောင့် အတော်လှပါသည်။ ကျွန်မရိုက်ထားသောပုံမှာ ၀ါးနေသောကြောင့် ဒုတိယပုံကို google မှ ယူတင်ဖြစ်သည်။ ပုံထဲတွင် ပါဝင်သောသူများမှာ မည်သူမည်ဝါဖြစ်မှန်း မသိကြောင်း။ :D
ဒါကတော့ ကျွန်မ မရောက်ဖူးသေးတဲ့ ကျွန်မသွားချင်တဲ့နေရာ။ စင်ကာပူထဲမှာပဲ ရှိသည်။ တော်တော်မိုက်တယ် တံတားက အရှည်ကြီး။ အဲ့ဒီ တံတားကို ရောက်ဖို့တော့ တော်တော်သွားရမည်။ ဓာတ်ပုံထဲမှာပင် တွေ့ဖူး၍ ဘယ်နေရာမှန်းမသိ။ သူငယ်ချင်းတစ်ယောက်က စာမေးပွဲပြီးရင် သွားရအောင် နေရာရှာထားဆို၍ အားကြိုးမာန်တက် တစ်ညလုံး ဂူဂယ်လ်တွင် မွှေနှောက်ရှာဖွေ၏။ သို့သော် ထိုသူငယ်ချင်းက ပုံပြောသွားခြင်းသာ ဖြစ်သည်။ထို့ကြောင့် မသွားဖြစ်။ အဟမ်း... ဘယ်မှာလဲ သိချင်လား။ သိချင်ရင် တိုးတိုးတိတ်တိတ်လာမေး။ KFC 2 piece chicken လောက်ဆို ပြောပြမယ်။ အဟတ်။သိတဲ့လူကတော့ ရှူးတိုးတိုးပေါ့နော်။ KFC ရရင် တစ်ဖဲ့ကျွေးမယ်နော် :D

Coming Soon

ကဲ.. ရင်ခုန်ရတာမှ ကြိုက်ပါတယ်ဆိုတဲ့ ကိုကိုမမ မောင်လေးညီမလေး ဦးဦးဒေါ်ဒေါ် ဘဘအန်တီ အန်ကယ်ကြီးဒေါ် ဖိုးဖိုးဖွားဖွား( အမ်မလေး..မောပါ့တော်) တို့အတွက် ထိုင်းသရဲကားအသစ်စက်စက်လေး Coming Soon ကို ဒီမှာ ကြည့်နိုင်ပြီ ဖြစ်ကြောင်း သတင်းကောင်းပါးအပ်ပါတယ်ရှင်။

ဇာတ်လမ်းအကျဉ်း။ ။ This movie will scare you from the second you step inside the movie theatre..

It will get you wondering if Something or Someone might be waiting for you to let your guard down. The horror movie that you just saw is about to happen to you in real life! Coming Soon....

ကဲ စောင်ကိုခေါင်းမြီးခြုံ နေကာမျက်မှန်တပ် စပီကာကို mute လုပ်ပြီး ဇိမ်ရှိစွာ အိမ်မှာ ကြည့်ကြပါစို့။ ။ :P

ခက်ပါပေ့ အမောင်လိပ်ပေါက်စ

ကျွန်မငယ်ငယ်က ကြားဖူးတဲ့ ပုံပြင်လေးပါ။ ဟိုတစ်နေ့က မြန်မာကားတစ်ကားထဲမှာ တွေ့မှ ပြန်သတိရတယ်။ အဲ့ဒါနဲ့ blog ပေါ်တင်ချင်စိတ်ပေါက်လာတာနဲ့ ရေးဖြစ်တာ။
ကဲ ကလေးတို့ ပုံပြင်နားထောင်ကြမယ်မလား။ :D
ပုံပြင်လေးကတော့ ဒီလိုပေါ့။
ဟိုးးးးးးးးရှေးရှေးတုန်းက လိပ်မိသားစုတစ်စု ရှိသတဲ့။ တစ်နေ့ကျတော့ သူတို့က ပျော်ပွဲစားမထွက်ရတာ ကြာပြီမို့ ထွက်ကြရအောင်ဆိုပြီး တိုင်ပင်ကြသတဲ့။ အဲ့လိုနဲ့ ပျော်ပွဲစားအတွက် လိုအပ်တဲ့ပစ္စည်းစာရင်းတွေချရေး စုဆောင်းပြင်ဆင်ကြတယ်ပေါ့ကွယ်။ အဲ့လိုနဲ့ ပြင်ဆင်လိုက်တာ ၇နှစ်တောင် ကြာသွားသတဲ့။ နင့်ဟာကြီးကလဲ လွန်ပါတယ်အေလို့တော့ မထင်နဲ့လေ။ လိပ်မိသားစုပါဆိုမှ နှေးတုံ့နှေးတုံ့နဲ့ပေါ့။ ဒါနဲ့ ၇နှစ်ကြာပြီးတော့ အိမ်ကလိုတဲ့ ပစ္စည်းတွေယူပြီး ထွက်လာခဲ့ကြတယ်။ ပျော်ပွဲစားထွက်လို့ အဆင်ပြေမဲ့နေရာကို လိုက်ရှာလိုက်တာ နောက်ထပ် ၆လ ထပ်ကြာသွားပါသတဲ့။ ဒီလိုနဲ့ နေရာကောင်းကောင်းရှာတွေ့တော့ ပျော်ပွဲစားစဖို့အတွက် နေရာခင်းကျင်းပြင်ဆင်တာ နောက်ထပ် ၂နှစ် ကြာပြန်ရော။ ကဲ ၂နှစ်လဲ ကြာပြီးရော အားလုံးအဆင်သင့်ဖြစ်ပြီ။ အဲ့အချိန်ကျမှ လိပ်မေမေကြီးက အထိတ်တလန့်ထအော်ရော။ ဟာ.. ဆား အချိုမှုန့် နဲ့ ဟင်းခတ်အမွှေးအကြိုင်တွေ ထည့်တဲ့ဘူး အိမ်မှာကျန်ခဲ့သတဲ့။ အဲ့ဒါတွေ မပါဘဲနဲ့ ချက်တဲ့ဟင်းတွေက ဘယ်လိုမှ စားကောင်းမှာမဟုတ်တဲ့အတွက် တစ်ကောင်ကောင်ကို ပြန်သွားယူခိုင်းသတဲ့။ ဒါပေမဲ့ ဘယ်သူမှ ဒီခရီးဝေးကို ပြန်မသွားချင်တော့ဘူးဆိုတော့ အဲ့ဒီတာဝန်ကို တစ်ယောက်ကိုတစ်ယောက်လွှဲချနေရော။ နောက်ဆုံးမတော့ လိပ်သားအငယ်ဆုံးလေးကို မင်းက လူကောင်သေးတော့ သွားတာလာတာမြန်တယ်.. မင်းပဲသွားပြန်ယူချေ ဆိုပြီး ခိုင်းကြတယ်။ လိပ်သားငယ်လေးလဲ မသွားချင်ဘူး။ ဒါပေမဲ့ အားလုံးက သူ့ကို အတင်းသွားခိုင်းတော့ မတတ်သာတဲ့ အဆုံး သဘောတူလိုက်တယ်။ ဒါပေမဲ့ ကတိတစ်ခုတောင်းတယ်။ ဘာကတိလဲဆိုတော့ သူမပြန်လာမှီအထိ အစားအသောက်တွေကို မစားပဲ စောင့်ရမယ်... သူပြန်လာမှ စ စားရမယ်ဆိုတဲ့ ကတိ။ အားလုံးလည်း ကျေကျေနပ်နပ်နဲ့ ကတိပေးလိုက်တယ်။
ဒီလိုနဲ့ လိပ်သားလေးထွက်သွားတာ ၂နှစ်ကျော် ၃နှစ်ကြာတဲ့ အထိ ပြန်မလာသေးဘူး။ လိပ်မိသားစုလည်း ဗိုက်တွေ တဂွီဂွီနဲ့ စောင့်နေတာပေါ့။ နောက်ဆုံး ၄နှစ်ပြည့်တဲ့နေ့မှာ လိပ်မိသားစုဝင်ထဲက တစ်ကောင်က ဗိုက်ဆာတဲ့ဒဏ်ကို မခံနိုင်တော့တာနဲ့ အသားညှပ် ပေါင်မုန့်ကို လှမ်းဆွဲလိုက်တယ်။ အဲ့အချိန်မှာ လိပ်သားလေးက သစ်ပင်နောက်ကနေ ရုတ်တရက်ထွက်လာတယ်။ "ဟင့်ဟင့်...အဖေတို့ မကောင်းဘူး။ တွေ့လား..သားပြောသားပဲ။ သားကို စောင့်ကြမှာ မဟုတ်ဘူးလို့။ တော်ပြီ တော်ပြီ။ ဆားဗူးလဲ သွားပြန်မယူတော့ဘူး။" တဲ့။ သေရော... ဒင်းလေးက သူ့ကို မစောင့်မှာစိုးရိမ်ပြီး ၄နှစ်လုံးလုံး သစ်ပင်နောက်က ချောင်းနေတာကိုး။ ဆားဗူးကတော့ ဘယ်ဆီနေမှန်းမသိ။ ပုံပြင်လေးကတော့ ဒီမှာပဲ ဆုံးသွားတယ်။

ဒီပုံပြင်လေးမှာ ပေးချင်တဲ့ အသိတစ်ခု ရှိတယ်။ အဲ့ဒါဘာလဲဆိုတော့
"လူတစ်ချို့ က တခြားလူကို ကိုယ်မျှော်လင့်ထားတာ လုပ်ပေးဖို့ စောင့်ဆိုင်းနေရင်းနဲ့ ကိုယ်ပိုင်အချိန်တွေကို ဖြုန်းပစ်တတ်ကြတယ်။ သူများတွေ ဘာလုပ်လဲဆိုတာ အလေးထားစဉ်းစားရင်းနဲ့ပဲ ကိုယ့်အတွက် ဘာမှမလုပ်ဖြစ်ကြဘူး"တဲ့။

ဤတွင် ပြီးလေသတည်း။

တစ်ခါတုန်းက

လွန်ခဲတဲ့ ၁နှစ်ခွဲလောက်တုန်းက ကျွန်မ part-time အလုပ်တစ်ခု ၀င်လုပ်ဖြစ်တယ်။ကုန်တိုက်တစ်ခုရဲ့ cashier ပေါ့။အရင်တုန်းကလည်း အဲ့ဒီကုန်တိုက်မှာ လုပ်ဖူးပါတယ်။ အဲ့တုန်းက ယောကျာ်းလေးအ၀တ်အထည်ရောင်းတဲ့ departmentမှာ။ အခုတစ်ခေါက်ကျတော့ Food departmentမှာ။ ချောကလက်တွေ တခြားသရေစာတွေရောင်းတယ်။ အဲ့ဒီဌာနကို ရောက်သွားတာ ကျွန်မကံဆိုးတာပါပဲ။ လုပ်ဖော်ကိုင်ဖက်တွေက အကုန်အသက် ၅၀ကျော် အဖွားကြီးတွေ။ အသစ်ရောက်လာတဲ့ ကျွန်မကို သူတို့က မသိတာ မတတ်တာတွေ သင်ပေးပါတယ်။ ဒါပေမဲ့ ကောင်းကောင်းမွန်မွန်တော့ မဟုတ်ဘူး။ လုပ်တာ နည်းနည်းမှားတာနဲ့ အော်ခံထိဖို့သာ ပြင်ထားပေတော့။ စိတ်သိပ်မရှည်ကြဘူး။ပြီးရင် မဲ့ရွဲ့ပြီး အချင်းချင်း အတင်းတုပ်ပါသေးတယ်။ ကျွန်မနားမလည်တဲ့ တရုတ်စကားနဲ့တုပ်ကြတာပါ။ ကျွန်မက တရုတ်(စာစကား)ဆိုရင် အနည်းအကျဉ်းနားလည်ပေမဲ့ ဖုကျန့်စကား(အိမ်သုံးစကား)ဆို သိပ်နားမလည်ပါဘူး။ ဒါပေမဲ့ မြန်တျန့် မြန်တျန့်နဲ့ ကျွန်မကို လှည့်လှည့်ကြည့်ပြီး ပြောနေတော့ အတင်းတုပ်မှန်းတော့ သိတာပေ့ါ။ ပထမနေ့ဆိုတော့ နည်းနည်းအဆူအဟောက်ခံပြီး ပြီးသွားတယ်။ ဘာမှ တာဝန်ကြီးကြီးမားမား မလုပ်ရဘူး။
ဒီလိုနဲ့ ဒုတိယနေ့ရောက်တော့ ကျွန်မတို့အရွယ် မလေးတရုတ် cashier တစ်ယောက်ရောက်လာတယ်။ သူက Full-timeလုပ်တာတဲ့။ ပထမနေ့က သူ့အားလပ်ရက်မို့လို့ ကျွန်မ မတွေ့တာ။ သူကတော့ အဖွားကြီးတွေအထာသိတယ်ထင်တယ်။ အိုကေမှာစိုပြေလို့။ သဘောတော့ တော်တော်ကောင်းပါတယ်။ ကျွန်မ counter မှာ queue သိပ်ရှည်နေပြီဆိုလျှင် supervisor က လာလာအော်တတ်ပါတယ်။ ကျွန်မက လုပ်တာနှေးတော့ ပိုဆိုးပါတယ်။ နောက်ပိုင်း queue ရှည်ရင် အဲ့မလေးတရုတ်က လာကူပါတယ်။ သူက လုပ်တာမြန်တော့ ခဏလေးနဲ့ queueက ပြီးသွားရော။ အဲ့တော့ နောက်ပိုင်း သိပ်အဆူအငေါက် မခံရတော့ဘူး။ ကဲ အတိုချုပ်ပြောရရင်တော့ အဲ့တစ်ယောက်က ခင်ဖို့ကောင်းတဲ့ ကူညီတတ်တဲ့ လူတစ်ယောက်ဆိုပါတော့။
ဒီလိုနဲ့ ကျွန်မနောက်ဆုံးအလုပ်လုပ်တဲ့နေ့ ရောက်လာတယ်။ အဲ့ဒီနေ့က ကျွန်မက afternoon shift။ ထိုတစ်ယောက်က morning shift။ ကောင်တာက တူတူပဲ။ ကျွန်မအဲ့ဒီနေ့က ဘတ်စ်လွတ်သွားလို့ အလုပ်ကို ၁၀မိနစ်နောက်ကျတယ်။ ၁:၁၀ မှ ရောက်တယ်။ အန်တီ စူပါဗိုက်ဆာကြီးရဲ့ သံစုံတီးဝိုင်းလည်း နားထောင်လိုက်ရတာပေါ့။ :D ကျွန်မရောက်တော့ သူနဲ့ duty ချိန်းတယ်။ ပြီးတော့ အဲ့နေ့က သူအရေးကြီးကိစ္စရှိလို့ဆိုပြီး စောစောပြန်သွားတယ်။
ည၇နာရီကျော်လောက်မှာ အသက်၅၀ကျော်အရွယ် သားသားနားနားဝတ်ထားတဲ့ လူတစ်ယောက် ကျွန်မကောင်တာကို ရောက်လာတယ်။ ပြီးတော့ မနက်တုန်းက ဒီကောင်တာထိုင်တဲ့ တစ်ယောက်ဘယ်မှာလဲဆိုပြီး ရှုးရှူးရှဲရှဲမေးတယ်။ ကျွန်မလည်း ပြန်သွားပြီလို့ ပြောလိုက်တယ်။ အဲ့မှာ အဲ့လူကြီးက ဒေါသတွေထွက်ပြီး "Call yr manager and supervisor" တဲ့။ ကျွန်မလည်း ဘာများကူညီပေးရမလဲဆိုပြီး လျှာရှည်ပြီးမေးလိုက်တယ်။ သူက မန်နေဂျာနဲ့စူပါဗိုက်ဆာကိုသာ ခေါ်ပေးပါတဲ့။ သူက အော်ဟစ်ပြီး ပြောနေတော့ ဈေးဝယ်သူတွေကော ဘေးနားဆိုင်က လူတွေကော ၀ိုင်းကြည့်နေတော့ ကျွန်မလည်း နည်းနည်းတောင် ထူပူသွားသေးတယ်။ ဒါနဲ့ မန်နေဂျာကို ခေါ်ပေးလိုက်တယ်။ အဲ့ကျမှ ပြဿနာကို သိရတယ်။ သူ credit card ကျန်ခဲ့တာကို ဟိုမလေးတရုတ်က တိတ်တိတ်လေး ယူထားလို့တဲ့။ ဒါတင်မကသေးဘူး အဲ့ဒီ card နဲ့ ငွေ ၃၀၀၀ကျော် သုံးလိုက်လို့ ဘဏ်က daily limit ကျော်သွားလို့ ဖုန်းဆက်မှ ကတ်ပျောက်မှန်း သိတာတဲ့။ ကောင်းရော။ ကျွန်မတို့ ဌာနက လူတွေအားလုံးအံအားသင့်ကုန်တယ်။ ဒီလောက် ဖောရွေပြီး လူတိုင်းကို ကူညီတတ်တဲ့လူက ဒီလိုလုပ်ပါ့မလားပေါ့။ နောက်ပိုဆိုးတာက အဲ့customerက ထိုင်းသံရုံးက ရာထူးခပ်ကြီးကြီးထဲကတဲ့။ သူက ရဲကို ချက်ချင်းဖုံးဆက်ပြီးတိုင်တယ်။ ရဲတွေက ညတွင်းချင်းပဲ ဟိုတစ်ယောက်အိမ်ကို သွားကြတယ်တဲ့။ ဒါပေမဲ့ မတွေ့ခဲ့ဘူး ပြောတယ်။ အဲ့ဒီ ပြဿနာဖြစ်တဲ့အချိန်က နေ့လည် ၁:၀၄ မှာ ဖြစ်တာ။ ကျွန်မ ၁၀မိနစ်အလုပ်နောက်ကျတာပဲ ကံကောင်းတယ်ပြောရမယ်။ မတော် အမှုတွဲထဲ ပါနေမှဖြင့် ဘာတွေတုန်းတစ်ယောက် ဒန်တန်တန်ဖြစ်သွားမှာ။ အဲ့နေ့က ကျွန်မရဲ့ နောက်ဆုံးအလုပ်လုပ်တဲ့နေ့။ ကျောင်းပြန်မဖွင့်မှီတစ်ရက် ဆိုတော့ နောက်ဆက်တွဲ ဇာတ်လမ်းတွေတော့ ကျွန်မ မသိတော့။ သူတကယ်ပဲ အဲ့ဒီ credit card ကိုယူခဲ့သလား။ ရဲတွေပဲ ဖမ်းမိသွားသလား။
ဒါပေမဲ့ ကျွန်မစိတ်မကောင်းပါ။ ကျွန်မကို သူပြောဖူးပါသည်။ Secondary School ပြီးတော့ မိသားစု စားဝတ်နေရေးကြောင့် သူ ပိုလီတွေ ဘာတွေ ဆက်မတတ်ဖြစ်ပဲ အလုပ်ထွက်လုပ်ရတဲ့အကြောင်း။ ဖြစ်နိုင်ရင် ကျောင်းဆက်တက်ချင်သေးသည့်အကြောင်း။ သို့သော် အခုလို ပြဿနာသူ့မှာဖြစ်သွားသည့်အတွက် သူ့နောက်လာမဲ့နေ့ရက်တွေနဲ့ သူ့မိသားစုရှေ့ရေး ရင်လေးစရာကောင်းသည်ကား အမှန်ပင်။

လတ်တလော ကြည့်ဖြစ်တဲ့ ကြည့်ချင်တဲ့ ရုပ်ရှင်များ

ကြည့်ဖြစ်တဲ့ ရုပ်ရှင်ကားများ

The Curious Case of Benjamin Button
တကယ့်ကို ကြည့်သင့်တဲ့ ကားလေးပါ။ တော်တော်များများတော့ ကြည့်ပြီးကြပြီလို့ထင်ပါတယ်။ ရုပ်ရှင်ပိုစတာမှာ ရေးထားတဲ့အတိုင်း "I was born under unusual circumstances" ဆိုတာလေးကို ဖတ်မိတာနဲ့ ဘယ်လိုဇာတ်လမ်းမျိူးလဲဆိုတာ ရိပ်မိကြမှာပါ။ လူသာမန်တွေလို အသက်ငယ်ရာကမကြီးပဲ အသက်ကြီးရာကငယ်သွားရတဲ့ သူ့ဘ၀ကို ဖြတ်သန်းပုံ၊ သူနဲ့သူ့ချစ်သူတို့ရဲ့ လေးစားလောက်တဲ့ ချစ်ခြင်းမေတ္တာတွေက တကယ်ကို စိတ်ဝင်စားဖို့ကောင်းပါတယ်။ အထူးသဖြင့် Benjamin (Brad Pitt)ပြန်ငယ်သွားပြီး သူ့သမီးနဲ့ ရွယ်တူနီးနီးဖြစ်သွားတဲ့အချိန် သူ့မိန်းမနဲ့ သမီးကို ပြန်လာကြည့်တဲ့ အခန်း၊ ဒီထက်ပိုငယ်သွားပြီး ၆နှစ်၇နှစ်အရွယ်မှာ သူ့မိန်းမက သူ့ကိုသားတစ်ယောက်လို ပုံပြောပြပြီးချော့သိပ်တဲ့အခန်း၊ နောက်ဆုံး သူ့မိန်းမက အသက်၆၀ကျော်အဖွားကြီး ဖြစ်နေတဲ့ အချိန် သူက ၁နှစ်သားလောက် ဖြစ်ပြီး သူ့မိန်းမပေါင်ပေါ်မှာ အိပ်နေတဲ့ အခန်းတွေဆို ကျွန်မမျက်ရည်တောင် ၀ဲပါတယ်။ ဇာတ်လမ်းကောင်းကောင်းနဲ့ကြည့်ပြီးရင် ရင်ထဲတစ်ခုခုကျန်ခဲ့မှ ကြိုက်တယ်ဆိုတဲ့ ကိုကို၊မမ၊ဒေါ်ဒေါ်၊ဦးလေးတို့ လက်မလွှတ်သင့်ပါဘူး။ ဒီရုပ်ရှင်က မိတ်ကပ်အကောင်းဆုံးဆုကို ရခဲ့တယ်လို့လဲ ဆိုပါတယ်။ Slumdog Millionaire လောက် မကောင်းဘူးလို့ ပြောကြပေမဲ့ ဟိုကားကို ကျွန်မ မကြည့်ရသေးတဲ့ အတွက် ဒီကားက အတော်ကောင်းတယ်လို့ ပြောပါရစေ။

Boys Before Flowers
ဒါကတော့ လူငယ်ဇာတ်လမ်းလေးတွေ ကြည့်ချင်တယ်၊ ပေါ့ပေါ့ပါးပါးနဲ့ ရိုမန်တစ်ဖြစ်တာလေးကို ကြည့်ချင်ပါတယ်ဆိုတဲ့သူတွေ ကြည့်ဖြစ်အောင် ကြည့်ပါလို့ ညွှန်းပါရစေ။ ဒီကားက မူရင်း Hana yori Dango ဂျပန်ကားကို ကိုရီးယားversion နဲ့ ပြန်ရိုက်ထားတာပါ။ ဒီကား မတိုင်မီက Meteor Garden ဆိုပြီး ထိုင်ဝမ် Version နဲ့ ရိုက်ထားတာလည်း တော်တော်များများ ကြည့်ဖူးပြီးဖြစ်မှာပါ။ ကျိကျိတက်ချမ်းသာတဲ့ သူဌေးသားလေးနဲ့ သာမန်Dry Cleaning ဆိုင်လေးဖွင့်ထားတဲ့ ကောင်မလေးတစ်ယောက်ရဲ့ အချစ်ဇာတ်လမ်းလေးပါ။ ထိုင်ဝမ်Version ကြည့်ပြီးသားဆိုတော့ ဇာတ်လမ်းကို ကြိုသိပေမဲ့လည်း ကြည့်လို့ကောင်းဆဲပါ။ အတော်ကို စွဲတဲ့ဇာတ်လမ်း ဖြစ်ပါတယ်။

ကြည့်ချင်တဲ့ ရုပ်ရှင်ကားများ

My Bloody Valentine
မဂ္ဂဇင်းထဲမှာ ကြော်ငြာတွေ့ထဲက အတော်ကြည့်ချင်တာပါ။လူသတ်ကားတဲ့။ သို့သော်ငြား ရုပ်ရှင်ရုံရောက်တော့ အဲ့ကားကြည့်မလားလို့ သူငယ်ချင်းများကို ဆွယ်တော့ သူတို့က သတ္တိကောင်းကြပါတယ်။ ရုပ်ရှင်ပြီးရင် မိုးမှောင်ပြီ။ အိမ်ပြန်ရင် ကြောက်စရာကြီးတဲ့။ တခြားကားကြည့်ပါတဲ့။ အော်..အဖော်နဲ့ပြန်တဲ့ သူတို့က ဒီလိုပြောမှတော့ တစ်ယောက်ထဲ သင်းချိုင်းနားက ပြန်ရတဲ့ ကျွန်မ ပြောစရာစကားမထွက်လာတော့ ။ :D အဲ့တော့ ပိုစတာကို ငမ်းပြီးပဲ တခြားကားကြည့် ပြန်လာခဲ့ရသည်။ နောက် ရုပ်ရှင် download ပြီးတဲ့လူတွေဆီကပဲ တောင်းကြည့်ရတော့မဲ့ဘ၀။


Coming soon(Thai Horror)
ပိုစတာ ကြည့်တာနဲ့ အသည်းချမ်းစရာကြီးပါ။ ဒါပေမဲ့ သရဲကားကြိုက်တဲ့ ကျွန်မအကြိုက်ပါပဲ။ ဒါရိုက်တာကလည်း နာမည်ကြီး ထိုင်းသရဲကား(Shutter, Alone,4bia)တွေကို ရိုက်တဲ့ ဒါရိုက်တာဆိုတော့ ကောင်းမှာအမှန်ပဲ။ သူငယ်ချင်းတွေက မေးကြပါတယ်။ နင် မိန်းကလေးတန်မဲ့ သရဲကားတွေ လူသတ်ကားတွေ အဲ့လောက်ကြည့်ချင်ရလားတဲ့။ မကြောက်ဘူးလားတဲ့။ အမှန်ပြောရရင်တော့ ကြောက်ပါတယ်.. :D သရဲဆိုလည်း အင်မတန်ကြောက်ပါတယ်။ ဒါပေမဲ့ ကြည့်လည်းကြည့်ချင်ပါတယ်။ အဲ့တော့ ရုပ်ရှင်ရုံရောက်ရင် သရဲပေါ်လာပြီဆို မျက်လုံးမှိတ်ပြီး သရဲကားကြည့်ပါတယ်။ အိမ်မှာ တစ်ယောက်ထဲကြည့်ရင်တော့ speakerကို mute လုပ်ပြီးကြည့်ပါတယ်။ အဲ့လို သတ္တိရှိတဲ့ သတ္တိခဲပါ။ :P ဒီ coming soon ဆိုတဲ့ ကားကိုလည်း အဖော်ကောင်းလျှင် သွားကြည့်ဖြစ်မယ်လို့ မျှော်လင့်ပါတယ်။ နို့မို့ရင်တော့ online ပေါ်ရောက်မှပဲ အသံပိတ်ကြည့်ရတော့မှာပေါ့ကွယ်။