Jurong Point သို့အလည်တခေါက်

ဒီကနေ့ ညနေ၄နာရီ အတန်းပြီးတော့ အိမ်မပြန်ချင်သေးတာနဲ့ နဂိုထဲက ခြေများတဲ့ကျွန်မ jurong pointကို တစ်ယောက်တည်းရောက်သွားရော..

ဟိုရောက်တော့ ဗိုက်ကနည်းနည်းဆာတာနဲ့ janpanese food street ကနေဖြတ်အသွား sushi တစ်တုံး ၀ယ်စားတယ်။ ပြား၇၀တဲ့ စားလို့လည်း သိပ်မကောင်းလှပါဘူး။ လမ်းသွားရင်း ဟိုငေးဒီငေး တွေ့သမျှအရုပ်ဆိုင်ဝင် အိမ်ပြောင်းရင် လိုမဲ့ပစ္စည်းလေးတွေ လိုက်ကြည့်ရင်း ခြေထောက်ညောင်းလာတာနဲ့ လိုအပ်တဲ့ပစ္စည်းတွေပဲ ကြည့်တော့မယ်ဆိုပြီး အပေါ်ထပ်က Courts နဲ့ Harvey Norman ကိုချီတက်တယ်။ သွားကြည့်တာက portable air con..ခုပြောင်းမယ့်အခန်းက air con မရှိဘူး အခန်းကလည်း နည်းနည်းလှောင်တာနဲ့ ဈေးနည်းနည်းသက်သာတာရှိရင် ၀ယ်မယ်ဆိုပြီး သွားကြည့်တာ။ ဈေးတွေက သက်သာရှာပါတယ်။ အပေါဆုံးက $600 ကျော် ကနေ $999 ထိရှိတယ်။ =(မှန်းထားတာနဲ့က ကွာနေတော့ နောက်မှပဲ ကြည့်တော့မယ်ဆိုပြီး the market place ဖက်ကို လျှောက်တယ်။

အဲ့မှာ အရပ်ရှည်ရှည်နဲ့ ဘိုတစ်ယောက်က ကြော်ငြာစာရွက်လေးနဲ့အတူ ခေါင်းလျှော်ရည်လိုအထုပ်လေးတစ်ထုပ်ကမ်းတယ်။ ကျွန်မလည်း အရင်တခါ flyerဝေတဲ့ အလုပ်မျိူးလုပ်ပြီးကတည်းက လမ်းမှာဝေတဲ့ကြော်ငြာတိုင်းကို ယူပေးတတ်တဲ့အကျင့်ဖြစ်နေတော့ လှမ်းယူလိုက်တယ်။ [ယူမိတာကိုက အနော့်အမှားပါ =( ] ကျွန်မလှမ်းယူပြီးထွက်လာတော့ အဲ့လူက လှမ်းအော်ပြီးမေးပါတယ် "Where are you from?"တဲ့။ ကျွန်မက "Myanmar" လို့ပြောတာကို သူက"Japan" လို့ ကြားတယ်။ ကျွန်မက "No"လို့ပြောတော့ အဲ့လူက အနားရောက်လာရော။နောက်ထပ်မေးပြီးတော့မှ "Oh you are Myanmar? I really like to be friend with Myanmar people..Can you show me your hand?" တဲ့.။ ဘာတွေပြောမှန်းလဲမသိဘူး။ ကျွန်မလည်း ကြောင်ပြီးလက်ပြမိလိုက်တယ်။ အဲ့မှာ ကျွန်မညာလက်ကို ဆွဲယူပြီးတော့ လက်သည်းကို တံစဉ်းတိုက်တဲ့ အတုံးလေးနဲ့တိုက်တယ်။ ကျွန်မလည်း ရုတ်တရက်ဆိုတော့ လက်ကို ပြန်ဆွဲတာပေါ့။ အဲ့လူက မလွှတ်ပေးဘူး။ ပြီးတော့ စကားဆက်ပြောတယ်။ "How old are you?"တဲ့။ ကျွန်မလည်း ၂၁ ပါ လို့ပြောတော့။ "Hey..dun bluff me..tell me seriously"တဲ့။ (ကျွန်မက လူကောင်အတော်ညှက်ပါတယ်။ အရပ်ပုတယ်ဆိုပါတော့။ တချိူ့တွေဆို secondary ကျောင်းသူဆိုပြီးတော့တောင်ထင်ကြတယ်။ ရုပ်နုလို့တော့ ဟုတ်မယ်မထင်)ဟိုလူက အဲ့လိုပြောနေတုန်း ကျွန်မလက်သည်းကို တိုက်နေတုန်းပဲ။ ကျွန်မလည်း သည်းမခံနိုင်တော့တာနဲ့ "Sorry..I am in a hurry.Need to meet my friend" လို့ပြောတာတောင် ဟိုဘိုးတော်က ကျွန်မကို စူးစူးကြီးကြည့်ပြီး "Why in a hurry? hum?"လို့ပြောပြီး ကျွန်မကို သူ့ပစ္စည်းတွေ စီထားတဲ့နေရာကို ဆွဲခေါ်တယ်။ ကျွန်မလည်း သူ့ကြည့်ပြီး ကြောက်လာတာနဲ့ လက်ကိုဆောင့်ဆွဲပြီး "I will come back later..really in a hurry" ဆိုပြီး နောက်ကြောင်းလှည့်မကြည့်ပဲ အမြန်လစ်ထွက်လာတယ်။ အဲ့ဒါတောင် အနောက်ကလှမ်းအော်ပြောတာ ကြားလိုက်ရသေးတယ်။ "Ok..Come back later.. I will wait for you " တဲ့။ ကြက်သီးတောင်ထတယ်။

အဲ့လူကြီးရုပ်က အင်းဂလိပ်ကားထဲက လူဆိုးရုပ်ကြီးနဲ့တူတယ်။ သူတိုက်ထားတဲ့လက်မကို ကြည့်လိုက်တော့ လက်မက လက်သည်းအကြည်ရောင်ဆိုးထားသလို ပြောင်နေတယ်။ သူတို့ရောင်းတဲ့ ပစ္စည်းတွေက skin,nail care နဲ့ hand soap တွေထင်တယ်။ သူflyer ပေးတုန်းက တံဆိပ်နာမည်ကို မဖတ်လိုက်ပေးမဲ့ ပုံတော့ မြင်လိုက်တယ်။ အဲ့ဒီ brand က နိုင်ငံခြားသားတွေပဲ ရောင်းတာများတယ်။

Funan mall macdonald ရှေ့မှာ push cart နဲ့ ရှိတယ်။ marina square မှာ ဆိုင်ခန်းနဲ့။jurong point မှာတော့ road showလုပ်နေတာ။ ကျွန်မ Funan mall မှာတုန်းက တခါခံရပြီးပြီ။ အခုသေချာမကြည့်ပဲ flyer ယူမိလို့ ထပ်ခံရတာ။ Funan မှာတုန်းက အဲ့ဘိုမက ကျွန်မကို သူတို့product စမ်းကြည့်ဖို့ခေါ်တော့ မားသား အိမ်သာသွားနေတာ စောင့်နေရမဲ့အတူတူ စမ်းလိုက်မယ်လေဆိုပြီး သူပေးတဲ့ သဲစေ့လိုဟာလေးတွေကို လက်ဖမိုးမှာလိမ်း ပြီးတော့ ရေနဲ့ဆေး..အသားချောသွားလားမေးတော့...ဟုတ် ချောသွားတယ် လို့ပြောတော့ သူတို့ပစ္စည်းကို အတင်းရောင်းရော..အဲ့လို လက်ဆေးတဲ့ သဲစေ့လေးတဘူးကို $100 ကျော်လားမသိဘူး ရောင်းတာ။ ကျွန်မလည်း မ၀ယ်တော့ဘူး သွားတော့မယ်ဆိုပြီးပြောတော့ အတင်းဆွဲပြီးရောင်းတာ။ တော်သေးတယ် မားသားရောက်လာလို့။ ခုjurong point ကလည်း အဲ့လိုပဲ။ သူကပိုဆိုးတယ် ..စမ်းမယ်တောင် မပြောရသေးဘူး အတင်းအကျပ်လုပ်တာ။

သတိပေးချင်တာ နောက် shopping mall တွေမှာ နိုင်ငံခြားသားဘိုတွေချည်းပဲ ရောင်းတဲ့ skin care shop လေးကို မြင်ရင် မ၀ယ်ဘူးဆိုရင် ဝေးဝေးရှောင်ပါလို့.။ သူတို့ရဲ့ဈေးရောင်းပုံက အင်မတန်ကြောက်ဖို့ကောင်းပါတယ်။ မ၀ယ်ဘူးဆိုရင်တောင် ပြူးပြဲပြပြီး အတင်းဝယ်ခိုင်းပါတယ်။ ပစ္စည်းကောင်းမကောင်းတော့ မသိပါ။ ပစ္စည်းတကယ်ကောင်းတယ်ဆိုရင်တောင် ကျွန်မဘယ်တော့မှ ၀ယ်မှာမဟုတ်ပါဘူး။ဆိုင်နာမည် ကျွန်မမှတ်မိတာ မမှားဘူးဆိုရင် Dead Sea Premier ထင်တယ်။ မသေချာပါဘူး။ ဒါပေမဲ့ အဲ့လို ဘိုတွေချည်းပဲရောင်းတဲ့ဆိုင်က ရှားပါတယ်။ ၃ဆိုင်လုံးက တူတူပဲလို့ထင်ပါတယ်။

အဲ့ဒီကနေလည်း ထွက်လာပြီးရော ကြောက်ကြောက်လန့်လန့်နဲ့ ပလာတာကြက်အူချောင်းညှပ်လေးမြန်မြန် ၀ယ်စားပြီး ဘာမှမ၀ယ်ပဲ လက်ဗလာ အိမ်ပြန်လာပါတော့တယ် =P

အလုပ်ထဲက အဖြစ်များ

ဒီတလော အလုပ်က စလုပ်ခါစဆိုတော့ သိပ်နေသားမကျသေးဘူး။ ပြီးတော့ အလုပ်ချိန်က တစ်ခါတစ်လေ မနက်၉နာရီလောက်ကနေ ည၁၀နာရီလောက်အထိဆိုတော့ အိမ်ပြန်ရောက်တာနဲ့ ဘာမှမလုပ်ချင်တော့ဘူး။ ညောင်းနေလို့။ :D စာတောင်မရိုက်ချင်တော့ဘူး။ အဲ့ဒါကြောင့် ဘလော့လေးတောင် ဖုန်တွေနည်းနည်းတက်ချင်နေပြီ။ ဖူး ဖူး ဖူး(ဖုန်ခါနေသောအသံ)
တစ်နေ့တစ်နေ့ အလုပ်ထဲမှာပဲ အချိန်ကုန်နေတယ်ဆိုတော့ အလုပ်ထဲက အကြောင်းလေးတွေပဲ ရေးချင်စိတ်ပေါက်လာတယ်ဗျို့.. ခါတိုင်းဆို တနေ့တာ ဖြစ်ပျက်သမျှကို မားသားကို ပြန်ပြောပြနေကျ.. ခုမာသားက အနားမှာမရှိတော့ ဘော်ဘော်တွေကိုပဲ ဖောက်သည်ချရတာပေါ့ကွယ်။

၁)အကြွေးတောင်းတဲ့ ပညာ
ကျွန်မအလုပ်လုပ်တဲ့ ဆေးခန်းမှာ များသောအားဖြင့် စနေ တနင်္ဂနွေနေ့တွေမှာ လူများတတ်ပါတယ်။ အဲ့နေ့က စနေနေ့ပါ။ ဆေးခန်းရဲ့ ထုံးစံက ဆရာဝန်နဲ့တွေ့ပြီးရင် လူနာက အပြင်မှာ ခဏထိုင်စောင့်ရပါတယ်။ ဆေးယူဖို့နဲ့ ပိုက်ဆံရှင်းဖို့ပါ။ ဆရာဝန်က လူနာမှတ်တမ်းစာအုပ်မှာ ရေးစရာရှိတာရေးပြီး ကောင်တာကို ပို့ပါတယ်။ ထိုအခါမှ ကျွန်မတို့က ဆေးပေးခြင်းနဲ့ ငွေသိမ်းခြင်းကို လုပ်ရတာပါ။ဖြစ်ချင်တော့ မလေးလူမျိူးလူနာတစ်ယောက်က ကာကွယ်ဆေးလာထိုးပါတယ်။ ဆေးလာထိုးရုံပဲဆိုတော့ ဆေးယူဖို့ မလိုပါဘူး။ ငွေရှင်းဖို့ပဲ စောင့်ရမှာပါ။ ဒါပေမဲ့ အဲ့လူနာက ငွေမရှင်းပဲနဲ့ တစ်ခါတည်းပြန်သွားပါတယ်။ ကျွန်မတို့လည်း လူရှုပ်နေတော့ သတိမထားမိဘူး။ နောက်မှ လူနာမှတ်တမ်းစာအုပ် ကောင်တာရောက်လာမှ ကျသင့်ငွေယူမလို့ လူနာနာမည်ကို ခေါ်တော့မှ မရှိတော့မှန်းသိပါတယ်။ ဒါနဲ့ ဖုန်းခေါ်ပါတယ်။ ငွေမရှင်းရသေးတဲ့အတွက် ပြန်လာရှင်းဖို့ ပြောပါတယ်။ ရှင်းပြီးပြီးဆိုပြီးငြင်းပါတယ်။ ကျသင့်ငွေက စလုံး၇၀ပါ။ တော်သေးတာက သူ့ရဲ့အိမ်က ကျွန်မတို့ဆေးခန်းရဲ့ အပေါ်ထပ်မှာပါ။ အဲ့တော့ ဆရာဝန်က ကျွန်မကို receipt ပေးပြီး လူနာဆီက ငွေသွားတောင်းခိုင်းပါတယ်။ ကျွန်မလည်း သွားရပါတယ်။ အပေါ်ရောက်တော့ လူနာနဲ့တွေ့ပါတယ်။ ဒါပေမဲ့ ပိုက်ဆံမရခဲ့ပါဘူး။ အတင်းငြင်းပါတယ်။ ဒါနဲ့ ကျွန်မလည်း ပြန်လာပါတယ်။ မရတဲ့ အကြောင်းပြောတော့ ဆေးခန်းက ခပ်စွာစွာကောင်မလေးတစ်ယောက်ကို ထပ်သွားတောင်းခိုင်းပါတယ်။ မိနစ်၂၀လောက်နေတော့ ၇၀ကိုင်ပြီး ပြန်ဆင်းလာပါတယ်။ ကျွန်မလည်း အဲ့ကောင်မလေးကို တော်တော်လေးစားသွားတယ်။ သူကတော့ သင်ပေးတယ်။ အဲ့လိုမျိုးလူနာကို ကြမ်းပေးမှ ရတယ်တဲ့။ သူအိမ်ထဲထိဝင်ပြီး ကြမ်းခဲ့တာဆိုပဲ။ သြော် ဒါလည်း ပညာပဲလေ။ ကိုယ်မလုပ်နိုင်တာ သူလုပ်နိုင်တယ်ဆိုတော့...ဘာပဲဖြစ်ဖြစ် ၇၀ကို ကိုယ့်အိတ်ထဲက မစိုက်ရတာ တော်ပါသေးရဲ့။

၂)အသံထွက်
ကျွန်မအလုပ်တာဝန်ထဲမှာ လူနာတွေကို ဆေးပေးရတာလည်း ပါပါတယ်။ တစ်ခါတုန်းက လူနာတစ်ယောက်ကို ဆေးပေးတော့ လည်ချောင်းနာရင် ငုံရတဲ့ဆေးပေးပါတယ်။ အဲ့ဒါကို "For Suck"ဆိုပြီး label ပေါ်မှာရေးထားပါတယ်။ ကျွန်မက လူနာကို"This one is for suck" ဆိုပြီး ပေးလိုက်ပါတယ်။ Suck ကို ဆက်ခ် လို့ ကျွန်မက အသံထွက်ပါတယ်။ အဲ့အခါမှာ ကျွန်မဘေးက အလုပ်လုပ်နေတဲ့ အမက မျက်လုံးပြူးပြီး ကျွန်မကို ကြည့်ပါတယ်။ "For Sex?" ဆိုပြီး မေးပါတယ်။ ကျွန်မလည်း ကြောင်သွားတော့ သူက ဆေးကိုယူကြည့်ပါတယ်။ ပြီးတော့ ရယ်တယ်။ ဆက်ခ်လို့ အသံမထွက်ရဘူး။ ဆခ် လို့ အသံထွက်ရတယ်တဲ့။ သူက ဆက်ခ် လို့ အသံထွက်တာကို Sex လို့ ကြားတယ်တဲ့။ မှားပါတယ် မမရယ်။
နောက်တစ်ခါ အဲ့ဒီ Suck နဲ့ ပတ်သက်ပြီး ထပ်ဖြစ်သေးတယ်။ ဒီတစ်ခါတော့ အသံထွက်မှန်တယ်။ မှားတာက တရုတ်လိုနဲ့အင်္ဂလိပ်လို ရောပြောမိတာ။ "This one is for you to suck." လို့ပြောရင်ပြော မပြောရင် "ကျဲ့ကို့စွတ် ကေနီ ဟန်တဲ့"ဆိုပြီး ပြောရမှာ။ ကျွန်မပြောလိုက်တာက "ကျဲ့ကို့စွတ် ကေနီ ဆခ် တဲ့" ဆိုပြီး။ ဒီတစ်ခါလည်း ဘေးနားက အမက လှမ်းကြည့်ပါတယ်။ လူနာပြန်သွားတော့ ကျွန်မကို ရယ်ပြီးပြောတယ်။ နင်ပြောတဲ့ အဓိပ္ပာယ်က တစ်မျိုးဖြစ်သွားတယ်တဲ့။ တရုတ်လို ဆခ် (အမှန်တော့ "ဆ"က kill လို့ အဓိပ္ပာယ်ရပါတယ်။ အဲ့တော့ ကျွန်မပြောလိုက်တဲ့ဆေးက ငုံဆေးမဟုတ်ပဲ အဆိပ်ဖြစ်သွားပီ။ ဟိဟိ

ဒီမှာပဲ ခဏရပ်ဦးမယ်နော်။ ။
အားပေးတဲ့လူရှိရင်တော့ အလုပ်ထဲမှ အဖြစ်များ ၂ ဆိုပြီး ဆက်ရေးမယ်။ :P

အားလုံးပဲ ပျော်ရွှင်စရာကောင်းသော မြန်မာနှစ်သစ်လေးဖြစ်ပါစေ။ ။

အမှတ်တရ မိုး

မိုးတွေရွာတော့မယ်။ လေတွေတိုက်နေပြီ။ မိုးတွေခြိမ်းနေပြီ။ ကောင်းကင်ကြီးတစ်ခုလုံးလည်း မည်းနေပြီ။ ခဏနေ မိုးရောလေပါ သည်းသည်းမည်းမည်းချတော့မယ်။ ။

လွန်ခဲ့တဲ့ ၁၅နှစ် ဇွန်လ
ကျွန်မ သူငယ်တန်းကို ပထမဆုံးတက်ရမဲ့နေ့။ အဲ့နေ့ကလည်း မိုးတွေ သည်းနေတယ်။ ဖေဖေက ကားမောင်းနေတယ်။ ကိုကိုက ကားရှေ့ခန်းမှာ ဖေဖေနဲ့ ထိုင်နေတယ်။ ကျွန်မက နောက်ခန်းထဲမှာ။ ဘေးနားမှာ လွယ်အိတ်လေးရယ် ထမင်းချိုင့်ဆွဲခြင်းတောင်းလေးရယ် ချလို့ပေါ့။ တစ်လမ်းလုံး အတောမသတ်တဲ့ မေးခွန်းတွေနဲ့ ဖေဖေနဲ့ကိုကို ကိုမေးလာတယ်။ "ဖေဖေ.. အဲ့ဒီ ကျောင်းကြီးမှာ လူတွေ အများကြီးပဲလားဟင် "ကျွန်မ မူကြိုကို အိမ်နားမှာ တက်ခဲ့ပါတယ်။ မူကြိုနဲ့ ယှဉ်ရင် အခုတက်ရမဲ့ ကျောင်းက အကြီးကြီးမို့လို့ ကလေးပီပီ ကျောင်းကြီးဟုသာ ခေါ်ခဲ့တယ်။ "ကိုကို.. ကျောင်းကြီးမှာ ထိုင်ခုံတွေက လူကြီးထိုင်ခုံတွေပေါ့နော်" မူကြိုမှာတုန်းက စားပွဲထိုင်ခုံသေးသေးလေးတွေနဲု့ထိုင်ရတယ်။ "ကိုကို.. မုန့်စားဆင်းရင် မီမီးကို ဘယ်သူထမင်းခွံကျွေးမှာလဲ" မူကြိုတုန်းက လုပ်အားပေးဆရာမလေးတွေက ထမင်းခွံကျွေးနေကြ။ ကျွန်မမေးသမျှ မေးခွန်းတွေကို ဖေဖေက စိတ်ရှည်ရှည်ဖြေပေးပါတယ်။ ကိုကိုကတော့ ထုံးစံအတိုင်း လုံးဝစိတ်မရှည်။ နားညီးလိုက်တာဟာဆိုပြီး အနောက်လှည့်ပြီး အော်ပါသည်။ မိုးကလည်းသည်း ကားကလည်းပိတ်မို့ ကြာတော့ ဖေဖေလည်း စိတ်မရှည်။ ကျွန်မမေးခွန်းများကို မဖြေတော့။ ။ ဘာလို့လည်းမသိ မိုးရွာရင် မဆီမဆိုင် အဲ့ဒီအကြောင်းကို သတိရမိတယ်။ အဲ့လောက် ငယ်ငယ်လေးရှိသေးတာ တကယ်ကောမှတ်မိလို့လားဟု မေးရင် တကယ်ပါလို့ ဖြေပါရစေ။

လွန်ခဲ့တဲ့ ၈နှစ်၉နှစ် မိုးရာသီ
မိုးတွေသည်းတိုင်း ကျွန်မတို့လမ်းထဲမှာ ရေကြီးတယ်။ လမ်းထိပ်နားမှာဆို ပေါင်တစ်ဝက်ထိတောင် ရောက်တယ်။ ကျွန်မအရပ်နဲ့တိုင်းရင် ပြောတာနော်။ အဲ့တုန်းက ၁၁နှစ်၁၂နှစ် သမီးအရွယ်ပေါ့။ ကျွန်မတို့ အိမ်က လမ်းအလယ်မှာဆိုတော့ ရေက ခြေသလုံးနားလောက်ထိပဲ။ ရေကြီးရင် ကျွန်မတအားပျော်တယ်။ သတင်းစာတွေကို ခေါက်ခေါက်ပြီး သဘောင်္လွှတ်ရလို့။ တစ်ခါတစ်လေ လူကြီးတွေလစ်ရင် ရေထဲခိုးဆင်းသေးတယ်။ ဒီလောက် အမှိုက်တွေ ပေါလောပေါ်ပြီး ညစ်ပတ်နေတဲ့ ရေထဲကို ဆင်းတာပဲ။ ငယ်ငယ်တုန်းက အတော်ကဲပါတယ်။ အမေက တွေ့ရင်အော်ပါတယ်။ ၀ဲပေါက်ချင်လို့လားတဲ့ ရေသွားချိုးစမ်းဆိုပြီး။ ဟီး

လွန်ခဲတဲ့ ၅နှစ် ၉တန်းနှစ်
ကျွန်မတို့ကျောင်းက ကျောင်းဆင်းချိန်ဆို လာကြိုတဲ့မိဘများ အပေါက်ဝတွေ ပြွတ်ခဲနေတတ်ပါသည်။ ကျွန်မအိမ်ကတော့ အမြဲကျောင်းကြိုနောက်ကျသည်။ သိပ်တော့ မနောက်ကျပါ။ ၁၁နာရီခွဲ ကျောင်းဆင်းသည်တွင် ၁၂နာရီ၄၅မိနစ်လောက်မှ လာကြိုတတ်သည်။ ထိုနေ့က ကျောင်းဆင်းတော့ ကျွန်မသူငယ်ချင်းက ထီးမပါလာ။ ထို့ကြောင့် ကျွန်မနှင့် ထီးကပ်ဆောင်းသည်။ သူက အရပ်ပိုရှည်တော့ ထီးကို သူကိုင်သည်။ အပေါက်ဝနားလည်း ရောက်ကော သူ့အမေကိုတွေ့တော့ ပြေးသွားပါသည်။ ထီးပါ တစ်ခါတည်းမသွားသည်။ ကျွန်မလှမ်းခေါ်သော်လည်း လှည့်မကြည့်။ လူကောင်ညှပ်သည့် ကျွန်မ လူအုပ်ကြားထဲတိုးပြီး သူ့နောက်မလိုက်နိုင်။ ကျောင်းအပြင်ဖက်ရောက်တော့ မိုးခိုစရာနေရာလိုက်ရှာသည်။ မိုးကတအားသည်းသဖြင့် လူတော်တော်များများ အမိုးတွေအောက်ရောက်နေသောကြောင့် နေရာတော်တော်နှင့် မရ။ ထိုကြောင့် ကျွန်မကြွက်စုတ်ဖြစ်ခဲ့သည်။ လွယ်အိတ်ရော စာအုပ်ရော အကုန်စိုသည်။ အိမ်ရောက်တော့ ခိုက်ခိုက်တုန်နေပြီ။ မားသားက ဆူသည်။ စေတနာတယ်ကောင်းပြီး ထီးပါပေးလိုက်ရသလားတဲ့။

လွန်ခဲ့တဲ့ ၄နှစ်
၁၀တန်းပြီးတော့ ၂၈လမ်းမှာ အင်္ဂလိပ်စာသင်တန်းသွားတက်သည်။ အိမ်က အစ်ကိုက သူမအားဟု အကြောင်းပြကာ လမ်းလျှောက်သွားခိုင်းသည်။ အိမ်နှင့် ၂၈လမ်းအတန်ငယ်ဝေးသည်။ နာရီဝက်လောက်တော့ အနည်းဆုံးလမ်းလျှောက်ရသည်။ ကျွန်မအကျင့်က မိုးရွာထဲ ဒါမှမဟုတ် မိုးရွာပြီးစ လမ်းလျှောက်ရင် ဗွက်အမြဲစင်သည်။ သူများတွေစင်တာထက် ပိုစင်သည်။ ကျူရှင်ရောက်လျှင် ကျွန်မ ဘောင်းဘီရှည် အနောက်ဘက် ပေါင်ရင်းလောက်ထိ ရွှံ့တွေက အပြည့်။ ကြည့်မကောင်း ရှုမကောင်း။ နောက်ပိုင်း အ၀တ်အပိုယူသွားရသည်။ ဗွက်ထူသောလမ်းတွင် မိုးရွာချိန်လမ်းလျှောက်ရသည်မှာ ကျွန်မအမုန်းဆုံးအရာဖြစ်ခဲ့သည်။

၂၀၀၆ ၂၀၀၇ ၂၀၀၈ ၂၀၀၉
ကျွန်မ ရန်ကုန်က ထွက်ခဲ့သည်။ စင်ကာပူရောက်လာသည်။ ဒီမှာလည်း မိုးရွာပါသည်။ အခုလည်း သည်းကြီးမည်းကြီးရွာနေပါသည်။ ဒါပေမဲ့ ကျွန်မမိုးရေထဲထွက်ပြီး တစ်ခါမှ မကစားဖြစ်။ ရန်ကုန်တွင် မိုးရေထဲ ကစား၍ဖျားရင် ဂရုစိုက်မည့် အမေရှိသည်။ အော်မည့် အမေရှိသည်။ ဒီမှာ ကျွန်မကို ဘယ်သူမှ မအော်ပါ။ ဘယ်သူမှ ဖျားရင် ဆေးမတိုက်ပါ။ အမေနဲ့ဝေးတဲ့အရပ်မှာ ကျွန်မအကြောက်ဆုံးက ဖျားမှာကိုပါ။ ကျွန်မ ရောက်ရောက်ချင်းက ဖျားပါသည်။ ကိုယ့်ဟာကို ဆေးသောက်ရသည်။ ကိုယ့်ဟာကို ရေခဲကပ်သည်။ ဘာမဆို ကိုယ့်ဟာကိုယ်။ အိမ်ကို လွမ်းပါသည်။ အမေ့ကို လွမ်းပါသည်။ အမေမှုတ်ပြီးတိုက်တဲ့ ကြက်စွပ်ပြုတ်ပူပူလေးကို သောက်ချင်ပါသည်။
စင်ကာပူမိုးသည် အထီးကျန်မှုကို ပေးသည်။ ဒီတလော မိုးရွာရင် ငိုချင်သလိုလို လွမ်းသလိုလိုကြီးဖြစ်လာသည်။ ဘာဖြစ်လို့ဖြစ်မှန်းတော့မသိ။ အီမို ထင်ပါရဲ့။ :)
ကျွန်မ မိုးရေထဲ လမ်းလျှောက်ရတာ ကြိုက်သည်။ မှတ်မှတ်ရရ စင်ကာပူမှာ တစ်ခါပဲ မိုးရေထဲ လျှောက်ဖူးသည်။ ကျောင်းကအပြန် သူငယ်ချင်းဆီကလည်း ထီးငှားမရတာနဲ့ လွယ်အိတ်ကို ရေမစိုအောင် အုပ်ပြီ မိုးရေထဲပြန်လာဖူးသည်။ နောက်တစ်ခါ vivo city မှာ သူငယ်ချင်းနှင့်သွားတုန်းက မိုးဖွဲဖွဲကျနေသည်။ ထိုအချိန် ရေကန်ထဲမှာ လူတစ်ချို့ ရေကစားနေသည်။ ကျွန်မလည်း မိုးဖွဲဖွဲလေးအောက်မှာ ရေထဲဆင်းဆော့ချင်သည်။ ရေကန်ကို လှည့်တကြည့်ကြည့်ဖြစ်နေသည်။ သူငယ်ချင်းကလည်း ရိပ်မိသည်ထင်။ ဆော့ဖို့ပြောသည်။ သို့သော် နောက်ဆုံးတော့လည်း မကစားဖြစ်ပါဘူး။
ကျွန်မမကောင်းတဲ့ အကျင့်က အဲ့ဒါပဲ။ လုပ်ချင်ရင် မလုပ်ဘူး။ ဟိုဟာစဉ်းစားဒီဟာစဉ်းစားနဲ့။ လုပ်သင့်သလာ မလုပ်သင့်ဘူးလားတွေးလွန်းလို့ ကျွန်မဘ၀မှာ အရာတော်တော်များများလက်လွှတ်ခဲ့ရတယ်။ အခုတော့ လုံးဝ ဆုံးဖြတ်ထားတယ်။ နောက်တစ်ခါ မိုးရွာတာနဲ့ ကြုံရင်တော့ မိုးရေထဲမှာ စိတ်ရှိလက်ရှိကို ဆော့မယ်.. လမ်းလျှောက်မယ်။

ကဲ မိုးလည်းသိပ်သွားပီ။ ရေးရတာလည်း နည်းနည်းညောင်းသွားဘီဆိုတော့.... တော်သေးပီ။

တွေးမိတွေးရာများ

Training နောက်၂ရက်မှာတော့ ပထမနေ့လောက်တော့ မဆိုးတော့ပါဘူး။ နည်းနည်း အဆင်ပြေတယ်။ ဒါပေမဲ့ စလုပ်လုပ်ချင်းမို့လား မသိဘူး။ လုပ်ရတာတော့ မပျော်ဘူး။ အလုပ်ကို မသွားချင်တာ။ ဒါပေမဲ့လည်း "ပျော်ရာမှာ မနေရ၊ တော်ရာမှာနေရ" လို့ပဲ စိတ်ထဲတွေးပြီး အလုပ်ဆက်သွားရတာပေါ့ကွယ်။

ဗဟုသုတတော့ အတော်ရသား။ ကျန်းမာရေးဗဟုသုတတွေပေါ့လေ။ လူနာပေါင်းစုံကိုလည်းတွေ့ပြီး အတွေးတွေလည်း များမိပါရဲ့။
တစ်ခါကဆို ကိုယ်ဝန်ဆောင်အမျိုးသမီးတစ်ယောက် လာပြတယ်။ သူက မွေးခါနီးပြီ။ ကျွန်မတို့ ဒေါက်တာမမနဲ့ မွေးမှာ။ ခွဲမွေးမှာတဲ့။ ဘာလို့လဲဆိုတော့ Horoscope တွက်ချက်မှုအရ April ၃ရက်နေ့ မနက် ၉နာရီက နေ ၁၁နာရီ အတွင်း မွေးရမယ်ဆိုပဲ။ အစက သူက Apr ၁ရက်နေ့ မွေးဖို့ Date လုပ်ထားတယ်။ နောက်တော့ Apr ၁ က April Fool Day မို့လို့တဲ့။ ၃ရက်နေ့ ပြောင်းလို့ရမလားဆိုပြီး ဆရာဝန်နဲ့ လာတိုင်ပင်တယ်။ April Fool Dayမှာ မွေးတော့ ဘာဖြစ်မှာကျလို့။ ရယ်တော့ ရယ်ရသား။ ဧပြီ၁ရက်နေ့မှာ မွေးတဲ့ ဖြိုးမော်တစ်ယောက်တော့ သူ့ဖွားဖက်တော် ညီလေး(သို့)ညီမလေး တစ်ယောက် လျော့သွားတာပေါ့လေ။ အဲ့လိုတွက်ချက်ပြီးမွေးတာနဲ့ ပတ်သက်ပြီး ကျွန်မတစ်ခုတွေးမိတယ်။ လူတစ်ယောက်ရဲ့ ကံကြမ္မာက မိခင်ဗိုက်ထဲရောက်ကတည်းက သတ်မှတ်ပြီးသားလို့ ထင်တာပဲ။ အဲ့လိုမျိုး အချိန်တွေ ပြောင်းပြီးမွေးလိုက်လို့ကော အဲ့ဒီကလေးရဲ့ ကံကြမ္မာက ပြောင်းသွားမှာလားဟင်။ ဘုရားသတ်မှတ်ပေးတဲ့ ကံကြမ္မာ(ဒါမှမဟုတ် ကိုသီဟသစ်ပြောသလို အတိတ်ကံက သတ်မှတ်ပေးတဲ့ ကံကြမ္မာ)ကို လူတွေက ကိုယ်တိုင်သတ်မှတ်ဖို့ ကြိုးစားနေသလိုပါပဲ။ ကျွန်မအတွေးလေးကို ပြောကြည့်တာပါ။ ပျင်းလို့ လျှောက်စဉ်းစားကြည့်တာနော်။

အင်း တစ်ခုတော့ တစ်ခုခုပဲ

ညတုန်းက ကျွန်မ ၂နာရီလောက်မှာ အိပ်ရာဝင်တယ်။ အိပ်တော့ ဘာလို့မှန်း မသိ အိပ်မပျော်ဘူး။ ဟိုအကြောင်းတွေး ဒီအကြောင်းတွေးနဲ့ ၃နာရီလောက်ထိ အိပ်မပျော်ဘူး။ ၃နာရီကျော်လောက် တစ်ချက် မှေးခနဲ အိပ်ပျော်သွားတယ်။ မကြာပါဘူး "ချွမ်း"ဆိုပြီး သော့တွဲလို ပစ္စည်းမျိုး ပြုတ်ကျသံကြားပြီး လန့်နိုးလာတယ်။ အိမ်မက်များလားလို့ ပြန်စဉ်းစားတယ်။ ဟင့်အင်း အိပ်မက်မဟုတ်ဘူး သေချာတယ် ။နားနဲ့ ဆတ်ဆတ်ကြားလိုက်တာ။ ကျယ်လည်းကျယ်တယ်။ ဒါနဲ့ ကျမ အိပ်ရာက အသာထလို့ မီးပြန်ဖွင့် ဘာပစ္စည်း ပြုတ်ကျတာလဲလို့ လိုက်ရှာတယ်။ သော့နဲ့တူတာ ဘာမှ မတွေ့သလို ဘာပစ္စည်းမှလည်း အောက်မကျနေပါဘူး။ အသံက အခန်းအပြင်က အသံမဟုတ်သလို ဘေးခန်းက လူတွေလည်း အိပ်မောကျလို့ ဟောက်သံတွေတောင် ကြားနေရတယ်။ ဒါနဲ့ ကျမလည်း မီးပြန်ပိတ်ပြီး အိပ်ရာပြန်ဝင်တယ်။ မျက်လုံးပိတ်ထားပြီး ၅မိနစ်လောက် အကြာမှာ အသံထပ်ကြားတယ်။ ဒီတစ်ခါ ပစ္စည်းပြုတ်ကျသံမဟုတ်တော့ဘူး။ စကားပြောသံ။ ဝေးဝေးကလာတဲ့ အသံတော့ မဟုတ်ဘူး။ ကျမ ခေါင်းရင်းနား တစ်ကိုက်အကွာလောက်က ပြောတဲ့အသံလိုမျိုး။ ဘာစကားပြောလဲဆိုတာတော့ သေချာမကြားရဘူး။ ဗလုံးဗထွေးနဲ့။ ကျမလည်း ကြောက်ကြောက်နဲ့ ပေါက်ကရတွေ လျှောက်မစဉ်းစားတော့ဘဲ ဖုန်းနဲ့ သီချင်းကျယ်ကျယ် ဖွင့်လိုက်တယ်။ ပြီးတော့ မျက်စိကိုမှိတ် ရသမျှ ဘုရားစာရွတ်ပြီး အိပ်လိုက်တယ်။ တော်ပါသေးရဲ့။ အိပ်ပျော်သွားလို့။ မဟုတ်ရင် လျှောက်စဉ်းစားပြီး လန့်နေအုံးမှာ။ ဒီရက်ပိုင်း သရဲကားတွေ လူသတ်ကားတွေ ကြည့်မိလို့ပဲ စိတ်တွေ ခြောက်ချားနေတာလား မသိ။ အခု ဒီပို့စ်ရေးနေရင်းတောင် channel U က လာနေတဲ့ ထိုင်းသရဲကား ကြည့်နေတယ်။ အဟိ :P

တစ်ခါတုန်းက

လွန်ခဲတဲ့ ၁နှစ်ခွဲလောက်တုန်းက ကျွန်မ part-time အလုပ်တစ်ခု ၀င်လုပ်ဖြစ်တယ်။ကုန်တိုက်တစ်ခုရဲ့ cashier ပေါ့။အရင်တုန်းကလည်း အဲ့ဒီကုန်တိုက်မှာ လုပ်ဖူးပါတယ်။ အဲ့တုန်းက ယောကျာ်းလေးအ၀တ်အထည်ရောင်းတဲ့ departmentမှာ။ အခုတစ်ခေါက်ကျတော့ Food departmentမှာ။ ချောကလက်တွေ တခြားသရေစာတွေရောင်းတယ်။ အဲ့ဒီဌာနကို ရောက်သွားတာ ကျွန်မကံဆိုးတာပါပဲ။ လုပ်ဖော်ကိုင်ဖက်တွေက အကုန်အသက် ၅၀ကျော် အဖွားကြီးတွေ။ အသစ်ရောက်လာတဲ့ ကျွန်မကို သူတို့က မသိတာ မတတ်တာတွေ သင်ပေးပါတယ်။ ဒါပေမဲ့ ကောင်းကောင်းမွန်မွန်တော့ မဟုတ်ဘူး။ လုပ်တာ နည်းနည်းမှားတာနဲ့ အော်ခံထိဖို့သာ ပြင်ထားပေတော့။ စိတ်သိပ်မရှည်ကြဘူး။ပြီးရင် မဲ့ရွဲ့ပြီး အချင်းချင်း အတင်းတုပ်ပါသေးတယ်။ ကျွန်မနားမလည်တဲ့ တရုတ်စကားနဲ့တုပ်ကြတာပါ။ ကျွန်မက တရုတ်(စာစကား)ဆိုရင် အနည်းအကျဉ်းနားလည်ပေမဲ့ ဖုကျန့်စကား(အိမ်သုံးစကား)ဆို သိပ်နားမလည်ပါဘူး။ ဒါပေမဲ့ မြန်တျန့် မြန်တျန့်နဲ့ ကျွန်မကို လှည့်လှည့်ကြည့်ပြီး ပြောနေတော့ အတင်းတုပ်မှန်းတော့ သိတာပေ့ါ။ ပထမနေ့ဆိုတော့ နည်းနည်းအဆူအဟောက်ခံပြီး ပြီးသွားတယ်။ ဘာမှ တာဝန်ကြီးကြီးမားမား မလုပ်ရဘူး။
ဒီလိုနဲ့ ဒုတိယနေ့ရောက်တော့ ကျွန်မတို့အရွယ် မလေးတရုတ် cashier တစ်ယောက်ရောက်လာတယ်။ သူက Full-timeလုပ်တာတဲ့။ ပထမနေ့က သူ့အားလပ်ရက်မို့လို့ ကျွန်မ မတွေ့တာ။ သူကတော့ အဖွားကြီးတွေအထာသိတယ်ထင်တယ်။ အိုကေမှာစိုပြေလို့။ သဘောတော့ တော်တော်ကောင်းပါတယ်။ ကျွန်မ counter မှာ queue သိပ်ရှည်နေပြီဆိုလျှင် supervisor က လာလာအော်တတ်ပါတယ်။ ကျွန်မက လုပ်တာနှေးတော့ ပိုဆိုးပါတယ်။ နောက်ပိုင်း queue ရှည်ရင် အဲ့မလေးတရုတ်က လာကူပါတယ်။ သူက လုပ်တာမြန်တော့ ခဏလေးနဲ့ queueက ပြီးသွားရော။ အဲ့တော့ နောက်ပိုင်း သိပ်အဆူအငေါက် မခံရတော့ဘူး။ ကဲ အတိုချုပ်ပြောရရင်တော့ အဲ့တစ်ယောက်က ခင်ဖို့ကောင်းတဲ့ ကူညီတတ်တဲ့ လူတစ်ယောက်ဆိုပါတော့။
ဒီလိုနဲ့ ကျွန်မနောက်ဆုံးအလုပ်လုပ်တဲ့နေ့ ရောက်လာတယ်။ အဲ့ဒီနေ့က ကျွန်မက afternoon shift။ ထိုတစ်ယောက်က morning shift။ ကောင်တာက တူတူပဲ။ ကျွန်မအဲ့ဒီနေ့က ဘတ်စ်လွတ်သွားလို့ အလုပ်ကို ၁၀မိနစ်နောက်ကျတယ်။ ၁:၁၀ မှ ရောက်တယ်။ အန်တီ စူပါဗိုက်ဆာကြီးရဲ့ သံစုံတီးဝိုင်းလည်း နားထောင်လိုက်ရတာပေါ့။ :D ကျွန်မရောက်တော့ သူနဲ့ duty ချိန်းတယ်။ ပြီးတော့ အဲ့နေ့က သူအရေးကြီးကိစ္စရှိလို့ဆိုပြီး စောစောပြန်သွားတယ်။
ည၇နာရီကျော်လောက်မှာ အသက်၅၀ကျော်အရွယ် သားသားနားနားဝတ်ထားတဲ့ လူတစ်ယောက် ကျွန်မကောင်တာကို ရောက်လာတယ်။ ပြီးတော့ မနက်တုန်းက ဒီကောင်တာထိုင်တဲ့ တစ်ယောက်ဘယ်မှာလဲဆိုပြီး ရှုးရှူးရှဲရှဲမေးတယ်။ ကျွန်မလည်း ပြန်သွားပြီလို့ ပြောလိုက်တယ်။ အဲ့မှာ အဲ့လူကြီးက ဒေါသတွေထွက်ပြီး "Call yr manager and supervisor" တဲ့။ ကျွန်မလည်း ဘာများကူညီပေးရမလဲဆိုပြီး လျှာရှည်ပြီးမေးလိုက်တယ်။ သူက မန်နေဂျာနဲ့စူပါဗိုက်ဆာကိုသာ ခေါ်ပေးပါတဲ့။ သူက အော်ဟစ်ပြီး ပြောနေတော့ ဈေးဝယ်သူတွေကော ဘေးနားဆိုင်က လူတွေကော ၀ိုင်းကြည့်နေတော့ ကျွန်မလည်း နည်းနည်းတောင် ထူပူသွားသေးတယ်။ ဒါနဲ့ မန်နေဂျာကို ခေါ်ပေးလိုက်တယ်။ အဲ့ကျမှ ပြဿနာကို သိရတယ်။ သူ credit card ကျန်ခဲ့တာကို ဟိုမလေးတရုတ်က တိတ်တိတ်လေး ယူထားလို့တဲ့။ ဒါတင်မကသေးဘူး အဲ့ဒီ card နဲ့ ငွေ ၃၀၀၀ကျော် သုံးလိုက်လို့ ဘဏ်က daily limit ကျော်သွားလို့ ဖုန်းဆက်မှ ကတ်ပျောက်မှန်း သိတာတဲ့။ ကောင်းရော။ ကျွန်မတို့ ဌာနက လူတွေအားလုံးအံအားသင့်ကုန်တယ်။ ဒီလောက် ဖောရွေပြီး လူတိုင်းကို ကူညီတတ်တဲ့လူက ဒီလိုလုပ်ပါ့မလားပေါ့။ နောက်ပိုဆိုးတာက အဲ့customerက ထိုင်းသံရုံးက ရာထူးခပ်ကြီးကြီးထဲကတဲ့။ သူက ရဲကို ချက်ချင်းဖုံးဆက်ပြီးတိုင်တယ်။ ရဲတွေက ညတွင်းချင်းပဲ ဟိုတစ်ယောက်အိမ်ကို သွားကြတယ်တဲ့။ ဒါပေမဲ့ မတွေ့ခဲ့ဘူး ပြောတယ်။ အဲ့ဒီ ပြဿနာဖြစ်တဲ့အချိန်က နေ့လည် ၁:၀၄ မှာ ဖြစ်တာ။ ကျွန်မ ၁၀မိနစ်အလုပ်နောက်ကျတာပဲ ကံကောင်းတယ်ပြောရမယ်။ မတော် အမှုတွဲထဲ ပါနေမှဖြင့် ဘာတွေတုန်းတစ်ယောက် ဒန်တန်တန်ဖြစ်သွားမှာ။ အဲ့နေ့က ကျွန်မရဲ့ နောက်ဆုံးအလုပ်လုပ်တဲ့နေ့။ ကျောင်းပြန်မဖွင့်မှီတစ်ရက် ဆိုတော့ နောက်ဆက်တွဲ ဇာတ်လမ်းတွေတော့ ကျွန်မ မသိတော့။ သူတကယ်ပဲ အဲ့ဒီ credit card ကိုယူခဲ့သလား။ ရဲတွေပဲ ဖမ်းမိသွားသလား။
ဒါပေမဲ့ ကျွန်မစိတ်မကောင်းပါ။ ကျွန်မကို သူပြောဖူးပါသည်။ Secondary School ပြီးတော့ မိသားစု စားဝတ်နေရေးကြောင့် သူ ပိုလီတွေ ဘာတွေ ဆက်မတတ်ဖြစ်ပဲ အလုပ်ထွက်လုပ်ရတဲ့အကြောင်း။ ဖြစ်နိုင်ရင် ကျောင်းဆက်တက်ချင်သေးသည့်အကြောင်း။ သို့သော် အခုလို ပြဿနာသူ့မှာဖြစ်သွားသည့်အတွက် သူ့နောက်လာမဲ့နေ့ရက်တွေနဲ့ သူ့မိသားစုရှေ့ရေး ရင်လေးစရာကောင်းသည်ကား အမှန်ပင်။

ကြောင်တစ်ကောင်နှင့် KFC

ကျွန်မ ကြောင်တွေကို ချစ်ပါတယ်။ ကျွန်မ ရန်ကုန်က အိမ်မှာဆို ကြောင်၃ကောင်တောင်ရှိတယ်။ ကြောင်တွေကို ခွေးထက်စာရင် ပိုချစ်ဖို့ကောင်းတယ် ထင်တာပဲလေ။ ဒါပေမဲ့ မနေ့ကစပြီးတော့ ကြောင်တွေကို တော်တော်အမြင်ကပ်သွားတယ်။ အကြောင်းရင်းကို ပြောရမှာတော့ နည်းနည်းရှက်ဖို့လည်း ကောင်းတယ်။ ရယ်ဖို့လည်းကောင်းတယ်။

အဖြစ်ကတော့ ဒီလိုဗျို့။ မနေ့က ကျောင်းမှာ စာသွားလုပ်တယ်။ တနင်္ဂနွေနေ့ဆိုတော့ ကျောင်းမှာ foodcourt တွေ ဖွင့်ဘူး။ ဒါနဲ့ နေ့လည်စာ စားချိန်ရောက်တော့ clementi သွားစားမယ်ပေါ့။ အဲ့တာကို စာတူတူလုပ်တဲ့ သူငယ်ချင်းက အပြင်မှာသွားစားရင် အချိန်ကုန်တယ် စာလုပ်ချိန်လျော့သွားမယ်။ ကျောင်းမှာပဲ delivery မှာစားရအောင်ဆိုတာနဲ့ KFC မှာစားဖြစ်တယ်။ စာလုပ်တဲ့ နေရာမှာ မုန့်စားလို့ မရတော့ တခြားနေရာမှာ စားဖို့နေရာရှာတယ်။ အစက cafe ရှေ့က စားပွဲမှာသွားစားမယ်ပေါ့။ ဒါပေမဲ့ သူငယ်ချင်းက အဲ့မှာနေရှိန်တယ်ဆိုပြီး ရစ်နေတာနဲ့ နောက်ဆုံး T12 အောက်က စားပွဲမှာ သွားစားဖြစ်တယ်။ အဲ့မှာ ပြဿနာစတော့တာပဲဂျို့။ အဲ့နေရာမှာ ဘယ်ကမှန်းမသိတဲ့ ကြောင်တစ်ကောင် ရောက်နေတယ်။ အမဲရောင်၊ အမြီးက လည်း တိုတိုလေး၊ ပုံစံကိုက အချိုးမပြေဘူး။ ဟိဟီ။ ကျွန်မတို့ အဲ့နေရာရောက်တော့ ကြောင်က ကြက်ကြော်အနံ့ရလို့ ထင်တယ်။ ချက်ချင်း အနားကို ရောက်လာတယ်။ စားပွဲအောက်နားမှာ တညောင်ညောင်နဲ့ အစာမျှော်နေတာပေါ့။ ကျွန်မတို့လည်း သနားသွားတယ်။ အင်း ငါတို့စားပြီးရင် အရိုးလေးတွေ ကျွေးလိုက်ရင် ကောင်းမလားပေါ့။ တော်တော် သဒ္ဓါတယ်နော်။ ဟီး။ ဒီလိုနဲ့ ကြက်သားဘူးကို ဖွင့်ပြီး ၀ါးတီးစဖွင့်တာပေါ့။ အဲ့မှာ ကိုယ်တော်ချောက တညောင်ညောင်နဲ့ အဆက်မပြတ်အော်ပါလေရော။ ဘေးက လူတွေတောင် လှမ်းကြည့်တယ်။ ဒါပေမဲ့ သူအော်တာ ပါးစပ်သွားပိတ်ထားလို့မှ မရပဲ။ အဲ့တော့ ကိုယ့်ဟာကို ဆက်စားနေတာပေါ့။ အဲ့ဒီမှာ ကိုရွှေကြောင်က အော်ရုံအားမရလို့ ထင်တယ်။ သူ့လက်လေးနဲ့ ထိုင်ခုံကို ပုတ်ပြီး ကျွန်မသူငယ်ချင်းဆီက အစာတောင်းတယ်။ သူက မောင်းထုတ်တယ်။ ကိုရွှေကြောင်က ပေကပ်ကပ်နဲ့။ ခုံပေါ်အထိ တက်လာတယ်။ ဟိုတစ်ယောက်က လက်နဲ့ ပုတ်ချတယ်။ ခဏပဲ။ ပြီးရင် ပြန်တက်လာတာပဲ။ ကျွန်မက သူကြက်ကြော် နှစ်တုံးနဲ့ ကြောင်တစ်ကောင်နဲ့ ပတ်ချာလုံးနေတာကို ကြည့်ကောင်းကောင်းနဲ့ ကြည့်နေတာပေါ့။ ကွိ။ တော်တော်အားကိုးရတဲ့ သူငယ်ချင်းပဲနော်။ :P
မကြာပါဘူး။ ကိုရွှေကြောင်က ကျွန်မ အေးအေးချမ်းချမ်းနဲ့ စားနေတာကို ကြည့်မရဘူး ထင်ပါ့။ စားပွဲပေါ် လွှားကနဲတက်ပြီး ကျွန်မဖက် ကူးလာတယ်။ ကျွန်မလည်း ရုတ်တရက်ဆိုတော့ လန့်သွားတယ်။ လန့်သွားပြီးတော့ လက်ထဲက ဘာဂါကို တင်းတင်းဆုပ်ထားတယ်။ လုစားမှာကြောက်လို့။ :D ပြီးတော့ ခြောက်ပြီးမောင်းထုတ်ကြည့်တယ်။ မရဘူးဆရာ။ ထိုင်ခုံကို ပေတေပြီး ထိုင်နေတယ်။ အဲ့ဒါနဲ့ ကျွန်မလည်း သူနဲ့ နည်းနည်းဝေးဝေးသွားပြီး ဘာဂါကို ဆက်စားတယ်။ ကိုရွှေကြောင်က လိုက်လာတယ်ဆရာ။ ညောင်ညောင်နဲ့ အော်တာလည်း နားတောင် ညီးတယ်။ ဘေးနားမှာလည်း စာလုပ်နေတဲ့ တခြားကျောင်းသားတွေက ကြည့်ပြီးရယ်နေကြတယ်။ ကျွန်မလည်း နည်းနည်းတောင် ရှက်လာတယ်။ နေရာပြောင်းဖို့ကြတော့လည်း ၂ယောက်လုံးက လက်တွေလည်း ပေနေတယ်။ စားနေရင်းတန်းလန်းဆိုတော့ ပြောင်းဖို့အဆင်မပြေဘူး။ ကိုရွှေကြောင်ရန်က လွတ်ဖို့ မြန်မြန်စားမှပဲ ရမယ်။ ကြောင်က လည်း ကျွန်မသွားလေရာ လိုက်နေတယ်။ စဉ်းစားကြည့်ပါ။ကျွန်မအဖြစ်ကို။ ဘာဂါလက်ကျန်တစ်ဝက်နဲ့ ဟိုဘက်လမ်းလျှောက် ဒီဘက်လမ်းလျှောက် စားရတဲ့ ဘ၀။ ဟိုစားပွဲမှာ ပြန်ထိုင်စားလို့က မဖြစ်တော့။ ကိုရွှေကြောင်က တစ်ချက်ချက် လှမ်းလှမ်းဟပ်ချင်သေးတယ်။ကျွန်မ သူငယ်ချင်းရဲ့ ကြက်ကြော်နှစ်တုံးကိုတော့ လုံးဝမနှောင့်ယှက်တော့။ ဟိုကိုယ်တော်က ဇိမ်နဲ့ ကြက်ကြော် အပီကိုက်နေတာပေါ့။ ဟင့်။ အစားနှေးတဲ့ ကျွန်မ လုံးဝစိတ်မရှည်တော့။ လက်ထဲမှာ ကျန်တဲ့ ဘာဂါတစ်ပိုင်းကို ပါးစပ်ထဲ အတင်းထိုးထည့်။ ပက်စ်စီနဲ့ မျောချ။ နင်တောင်နင်တယ်။ ဘာဂါမရှိတော့ ကြောင်က အရိုးထည့်ထားတဲ့ ဘူးကို လိုက်ဆွဲသေးတယ်။ ဘယ်ကမ္ဘာထဲက အစာပြတ်နေလည်း မသိပါဘူးဗျာ။ စင်ကာပူမှာ ကြောင်လာဖြစ်ရတာ အတော်ကံဆိုးရှာတယ်။ ရန်ကုန်က ကြောင်တောင် သူ့လောက်ငတ်မှာဟုတ်ဘူး။ နောက်ဆုံးတော့ အရိုးဘူးကို ပြန်ဆွဲလု၊ အမှိုက်ပုံးထဲ ပစ်ထည့် ကိုရွှေကြောင်ကို တာ့တာပြလို့ အသာလစ်ထွက်ခဲ့ပါတယ်။ ဒီတစ်ခါစားရတဲ့ KFC ကတော့ စစ်မြေပြင်မှာ စားရသလိုပါပဲ။ ပြေးရလွှားရနဲ့ သည်းထိတ်ရင်ဖို စားလိုက်ရတယ်။ နောင်များမှာတော့ အစားအသောက်စားမယ်ဆိုရင် T12အောက်ကို ယောင်လို့တောင် သွားဖြစ်တော့မှာမဟုတ်ပါဘူး။ :D

ကျွန်မနှင့်ဖိနပ်များ

ကျွန်မတို့ ကျောင်းရဲ့ final year projects exhibition(spinnovex 2009)လည်း အဆင်ပြေပြေနဲ့ ပြီးသွားခဲ့ပါပြီ။ spinnovex မှာ အဆင်မပြေဖြစ်တာဆိုလို့ ကျွန်မအတွက်က attire ပြဿနာပေါ့။ အပေါ်အဖြူ အောက်အနက်၊ coverd shoe အနက်တဲ့။ အဲ့မှာ စတာပဲ။ ကျွန်မမှာ အနက်ရောင် ကာဗာရှူး ကောင်းကောင်းကန်းကန်း တစ်ရံမှ ရှိဘူး။ မွေးနေ့တုန်းက လက်ဆောင်ရထားတဲ့ တစ်ရံတော့ရှိပါရဲ့။ ဆိုဒ်ကနည်းနည်းသေးနေလို့ စီးရင်သေအောင်နာတယ်။ နောက်တစ်ရံရှိသေးတယ်။ အဲ့ဒါက အလုပ်လုပ်တုန်းက ၀တ်တာ။ တော်တော်ဖွတ်ဖွတ်ကြေနေပြီ။ စီးလို့တော့ ကောင်းတယ်။ ဒါပေမဲ့ ဒီဇိုင်းကလဲ ပုံတုံး၊ ဟောင်းကလည်း ဟောင်းနေပြီဆိုတော့...အသစ်လိုချင်တာပေါ့နော့..ဟီး။
ဂလိုနဲ့ ဖိနပ်ရှာပုံတော် ဖွင့်ခဲ့တယ် ဆိုပါတော့ကွယ်။ ကျောင်းက အပြန် jurong point ထဲ တစ်ကိုယ်တော် ၀င်မွှေတာပေါ့။ jurong point ကြီးကလည်း ချဲ့လိုက်တာ အတော့ကို ကြီးလာတယ်။ ဖိနပ်ဆိုင်တွေကလည်း များမှများ။ တစ်ဆိုင်ဝင် တစ်ဆိုင်ထွက်..ဟိုဖိနပ် ကောက်စွပ် ဒီဖိနပ်ကောက်စွပ်နဲ့ပေါ့။ ဖိနပ်တွေကလည်း မမိုက်ပါဘူးဗျာ။ ဒီဇိုင်းကြိုက်တော့ ဆိုဒ်မရှိဘူးတဲ့။ ရှိတဲ့ အသေးဆုံးဆိုဒ်ကလည်း လမ်းလျှောက်လိုက်ရင် ကျွတ်ကျွတ်ထွက်လာတယ်။ ခြေထောက်သေးတာပဲ အပြစ်တင်ရမလို ဖြစ်နေတယ်။ ဟင့်..
ဒီလိုနဲ့ နောက်ဆုံးဆိုင်တစ်ဆိုင်မှာ စိတ်ကြိုက်တစ်ရံတွေ့တယ်။ စီးကြည့်တော့လည်း မဆိုးဘူး။ တစ်ခြားဟာတွေထက်စာရင် စီးလို့ကောင်းသလိုပဲ။ ဈေးကလည်း သိပ်မများတဲ့အပြင် 30%discount တောင်ပေးသေးတယ်။ဆိုင်ဖွင့်ပွဲ အထိမ်းအမှတ်တဲ့။ ဒါနဲ့ မဆိုးဘူး တန်တယ်ဆိုပြီးတော့ ၀ယ်လာတာပေါ့။
အိမ်ရောက်တော့ ဖိနပ်အသစ်လေးဆိုတော့ စမ်းဝတ်ကြည့်ရတာနဲ့ ထုတ်ထုတ်ကြည့်ရတာနဲ့။ဟီဟီး... ဒီလိုနဲ့ အဲ့ဖိနပ်လေးကို spinnovex ၃ရက်မတိုင်မီ အရှေ့တစ်ရက်.. အမှတ်ပေးတဲ့လူတွေ လာတဲ့နေ့မှာ ထုတ်စီးတာပေါ့။ ဖိနပ်အသစ်နဲ့ မြောက်ကြွ မြောက်ကြွနဲ့ အိမ်ကထွက်လာတယ်။ ဒါပေမဲ့ သိပ်တောင် မမြောက်ကြွလိုက်ရပါဘူး။ အိမ်ကနေ ဘတ်စ်ကားဂိတ်ကို လမ်းလျှောက်တာနဲ့တင် ခြေထောက်က အတော်နာနေပြီ။ အော်..ဖိနပ်အသစ်မို့ စစချင်းနာတာဖြစ်ပါလိမ့်မယ်..ပြန်မလဲနေတော့ပါဘူးလေ ဆိုပြီး ကျောင်းဆက်စီးသွားတယ်။ အဲ့နေ့တစ်ရက်လုံး တော်တော်ခံလိုက်ရတယ်။ နာလိုက်တဲ့ ဖိနပ်ဗျာ။ အိမ်ရောက်တော့ ခြေထောက်လည်း ဖိနပ်ပေါက်တဲ့ ဒဏ်ရာဒဏ်ချက်တွေ ဗလဗွ။ လှချင်တဲ့ အကျိုးတွေပေါ့။ :D
နောက်နေ့ကျတော့ အဲ့ဒီဖိနပ်စီးရမှာ တော်တော်ကြောက်သွားတယ်။ သူ့ဟာသူ လှလှမလှလှ စီးတော့ဘူးဆိုပြီး ဘူးထဲထည့်ပြီး အပြီးသိမ်းပလိုက်တယ်... အဲ့နေ့ကျတော့ ရန်ကုန်က အမေ၀ယ်ပေးလိုက်တဲ့ ဒေါက်ဖိနပ်အနက်လေး သတိရလို့ ထုတ်စီးဖြစ်တယ်။ လှတော့လှတယ် မားသားဝယ်ပေးလိုက်တာက။ ဖိနပ်က ရှေ့ ပိတ်..နောက်အဖွင့်ဆိုတော့... မနေ့ကလို ဖိနပ်မပေါက်လောက်ပါဘူး ဆိုပြီးစီးသွားတယ်။ မထူးပါဘူးဗျာ.. ခြေဖနောင့်မနာပေမဲ့ ခြေသန်းနှစ်ချောင်းတော့ သွေးခြေတောင်ဥတယ်။ အဟုတ်။
နောက်ဆုံးကျတော့လည်း ဖိနပ်အဟောင်းလေးပဲ ထုတ်စီးရတော့တာပဲ။ အဖွားကြီးစတိုင်လ် ဖိနပ်လေးက မလှပေမဲ့ ကျွန်မကို လုံးဝ ဒုက္ခမပေးဘူး။ ကျန်တဲ့spinnovex ၂ရက်လုံး သက်တောင့်သက်သာ ဖြစ်သွားတယ်။ ဒေါက်ဖိနပ်လှလှလေးတွေ စီးတဲ့မမတွေကို တွေ့ရင်တော့ အားကျမိပါရဲ့။ ဒါပေမဲ့ သူတို့မှာလည်း ပလာစတာကပ်ရတဲ့ ဒုက္ခကမသေးရှာဘူး။
+++++++++++++++++++++++++++++++++++++++++++++++++++++++++++++++++++++++++++++
အမှန်တကယ်တော့ အပြင်ပန်းက အရေးမကြီးပါဘူး။ အဓိက က သက်တောင့်သက်သာရှိဖို့ပဲ။ "ကိုယ့်ဝမ်းနာကိုယ်သာသိ" တဲ့။ ဖိနပ်လှလှလေး စီးပြီး မျက်နှာကြီးရှုံ့မဲ့နေရရင် ဘယ်ကောင်းပါ့မလဲနော်..ဘယ်အရာမဆို အပြင်ပန်းကြည့်ပြီး ဆုံးဖြတ်လို့မရဘူးဆိုတာ မှန်ပါ့။ လှတာမက်ရင် ညစာခက်ပေါ့။ =D
စာကြွင်း။ ။ ဖိနပ်ပုံက google ကယူထားတာ..ကျွန်မဖိနပ်တွေက သိမ်းထားတာ ပြန်ထုတ်ပြီး ဓါတ်ပုံမရိုက်ချင်တော့လို့။ နောက်ကြုံမှပဲ တင်တော့မယ်နော်။